1950 جىلى ىرگەتاسى قالانعان «ليون» فرانتسياداعى ەڭ مىقتى كلۋبتاردىڭ ءبىرى. ولار ەل بىرىنشىلىگىندە 7 رەت چەمپيوندىق اتاققا قول جەتكىزسە, 5 رەت كۇمىس مەدالدى يەلەندى. تاعى 8 رەت قولاعا قول سوزدى. فرانتسيا كۋبوگىن ءۇش مارتە ولجالادى. 2010 جىلى چەمپيوندار ليگاسى, 2017 جىلى ەۋروپا ليگاسى جانە 1964 جىلى كۋبوك يەگەلەرى كۋبوگىنىڭ جارتىلاي فينالىندا كۇش سىناستى. 1997 جىلى ينتەرتوتو كۋبوگىن ەنشىلەدى.
قازىرگى كەزدە «ليون» جارىس كەستەسىندە پسج مەن ليللدەن كەيىنگى ءۇشىنشى ورىندا كەلەدى. 31 ويىندا ولار 56 ۇپاي جيدى. كوش باسىنداعى پسج-دان ليوندىقتاردىڭ 15 ۇپايى جانە ەكىنشى ساتىداعى ليللدەن 5 ۇپايى كەم.
19 جاستاعى دىنمۇحامەد قاشكەن بىرەر جىل ءمادريدتىڭ «اتلەتيكو» اكادەمياسىندا جاتتىقتى. 2016 جىلى «استانانىڭ» قوسالقى قۇرامى جانە 2018 جىلى «جەتىسۋ-ب» كلۋبى ساپىندا ونەر كورسەتتى. بىلتىرعى جىلدىڭ جەلتوقسان ايىندا يسپانيانىڭ جاستار ليگاسىنداعى «كاسابلانكانىڭ» جەيدەسىن كيدى. سونداي-اق, قاشكەن قازاقستاننىڭ جاسوسپىرىمدەر قۇرامالارىنىڭ (U-17, U-19) كاپيتانى بولىپ, كەيىننەن ەلىمىزدىڭ جاستار كومانداسىنا قابىلداندى.
