قىزىلوردا وبلىسىنىڭ اكىمى ق.كوشەرباەۆ 2019 جىلدىڭ 1 قاڭتارىنان باستاپ قازاقستاندا تۇرمىستىق قاتتى قالدىقتاردى بولەك جيناۋ جانە وڭدەۋ تۋرالى زاڭ كۇشىنە ەنگەنىن ەسكە سالدى.
«2018 جىلعى 19 جەلتوقساندا مەنىڭ توراعالىعىممەن تۇرمىستىق قاتتى قالدىقتاردى ورنالاستىراتىن پوليگونداردى ەكولوگيالىق جانە سانيتارلىق تالاپتارعا سايكەستەندىرۋ, قالدىقتاردى تاسىمالداۋعا بايلانىستى بەكىتىلگەن تاريفتەر بويىنشا جانە كارىز سۋ جۇيەلەرىنەن تاستالاتىن لاس سۋلاردىڭ قورشاعان ورتاعا, ادام دەنساۋلىعىنا كەرى اسەرى تۋرالى ءماجىلىس وتكىزىلدى. ماجىلىستە قالا, اۋدان اكىمدەرى مەن ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنا بىرقاتار تاپسىرمالار بەرىلدى»,-دەدى ايماق باسشىسى.
وسى تاپسىرمالاردىڭ ورىندالۋ بارىسى تۋرالى وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى ايدار ابدۋاليەۆ باياندادى.
«تۇرمىستىق قاتتى قالدىقتاردى تاسىمالداۋدى, وڭدەۋدى, پايدالانۋدى جانە كادەگە اسىرۋدى ۇيىمداستىرۋ, قالدىقتاردى بولەك جيناۋعا ارنالعان جۇيەنىڭ ينفراقۇرىلىمىن دامىتۋ بويىنشا استانا قالاسىنداعى «وندىرۋشىلەردىڭ كەڭەيتىلگەن مىندەتتەمەلەرىنىڭ وپەراتورى» (وپەراتور-روپ) جاۋاپكەرشىلىگى شەكتەۋلى سەرىكتەستىگىنىڭ وكىلدەرى ارنايى شاقىرىلدى. «كازاگروگارانت» اكتسيونەرلىك قوعامىنىڭ شارتى بويىنشا 85% دەيىن كەپىلدىكپەن قامتاماسىز ەتەدى. مۇنداي قولداۋلار جەكە كاسىپكەرلەرگە كاسىبىن ودان ءارى دامىتۋعا مۇمكىندىك بەرەدى. الايدا, اۋداندارداعى كاسىپكەرلەر بۇل مۇمكىندىكتى پايدالانباي وتىر. بۇدان بولەك, ماكۋلاتۋرا, پلاستيكا قالدىقتارىن قايتا وڭدەۋدى جۇزەگە اسىراتىن جەكە كاسىپكەر «اۆگۋست» ءاربىر مەكەمەدە قۇرالاتىن قاعاز, پلاستيكا قالدىقتارىن ءوز ەسەبىنەن جيناپ, تاسىمالداۋعا دايىن. باسقا مەكەمەلەرگە ۇلگى بولۋ ماقساتىندا «اۆگۋست» جەكە كاسىپكەرىمەن وبلىستىق مەكەمەلەر ءۇيىنىڭ عيماراتىنا قاعاز, پلاستيك قالدىقتارىن بولەك جيناۋعا ارنالعان 300 دانا ەكوبوكستاردى ورناتۋعا كەلىسسوزدەر جۇرگىزىلۋدە»,-دەدى ا.اابدۋاليەۆ.
قىزىلوردا وبلىسىنىڭ ەكولوگيا دەپارتامەنتى باسشىسىنىڭ ايتۋىنشا, مامانداردىڭ باعالاۋىنا سايكەس بەلكول كەنتىندە تازالانباعان كارىز سۋلاردى توگۋ ارقىلى قورشاعان ورتانى لاستاپ, اتموسفەرالىق اۋاداعى زياندى زاتتاردىڭ ارتۋىن تۋدىرادى.
كەڭەس قورىتىندىسى بويىنشا وبلىستىق مەكەمەلەردىڭ باسشىلارى مەن قالا جانە اۋدان اكىمدەرىنە مەملەكەتتىك-جەكەمەنشىك ارىپتەستىك شەڭبەرىندە قالدىقتاردى جيناۋ جانە كادەگە جاراتۋ ءۇشىن پوليگوندار سالۋ ماسەلەلەرىن زەردەلەۋ جانە سارقىندى سۋلاردى كادەگە جاراتۋ ماسەلەلەرى بويىنشا ناقتى ۇسىنىستار ەنگىزۋ تاپسىرىلدى.
