- ءاربىر اۋدان مەن قالا اكىمدىگىنىڭ مادەنيەت جانە تىلدەردى دامىتۋ بولىمدەرىندە ونوماستيكا ماسەلەسىمەن اينالىساتىن ارنايى مامان قىزمەت ەتەدى. ءبىز سول مامانداردى جيناپ, ولاردىڭ بويىنا ادىستەمەلىك داعدىلاردى قالىپتاستىرۋ, ءوز ءبىلىمىن جەتىلدىرۋ قاجەتتىلىكتەرى مەن كاسىبي يدەيالارىن شىڭداۋ بويىنشا ادىستەمەلىك كومەك كورسەتۋ ماقساتىندا وسى كۋرستى ۇيىمداستىردىق. كۋرستان تولىق وتكەن ماماندار ارنايى سەرتيفيكات الاتىن بولادى, - دەيدى بقو تىلدەردى دامىتۋ باسقارماسىنىڭ ونوماستيكالىق جۇمىس جانە كورنەكى اقپاراتتاردى باقىلاۋ ءبولىمىنىڭ جەتەكشى مامانى زامزاگۇل عابباسوۆا.
ەكى كۇندىك وقىتۋ بارىسىندا تىڭداۋشىلارعا وبلىستىق ونوماستيكالىق كوميسسيانىڭ مۇشەلەرى, جوعارى وقۋ ورىندارىنىڭ عالىمدارى, بقو ادىلەت دەپارتامەنتىنىڭ وكىلى, وبلىستىق «قازاق ءتىلى» قوعامى بىرلەستىگىنىڭ توراعاسى جانە باسقارما ماماندارى قازاقستان رەسپۋبليكاسىنىڭ مەملەكەتتىك باعدارلامالارىن ايماقتا جۇزەگە اسىرۋ, قولدانىستاعى زاڭناماعا سايكەس ادىستەمەلىك كومەك كورسەتۋ, ونوماستيكا سالاسىنداعى جۇمىستاردى جۇرگىزۋ الگوريتمى, كورنەكى اقپارات جانە جارناما سالاسىنداعى ءماتىن ساۋاتتىلىعىن ساقتاۋدا كەڭ اۋقىمدى ارەكەتتەسۋ باعىتىندا تەوريالىق جانە پراكتيكالىق جۇمىستار جۇرگىزدى. سونىمەن قاتار, ماماندارعا «قارىم-قاتىناس جاراستىعى», «جەتىستىككە قول جەتكىزۋ» تاقىرىپتارىندا پسيحولوگيالىق ترەنينگتەر ۇيىمداستىرىلدى.
«School of onomastics» جۇمىسى سوڭىندا ۇسىنبالار قابىلدانىپ, قورىتىندىلاندى. كۋرستىڭ ەكىنشى كەزەڭى 2019 جىلدىڭ ءىى جارتىسىندا جالعاسپاق.
