جەرگىلىكتى بيۋدجەت ەسەبىنەن 50 وتباسى جانە قالعان 100 وتباسى قور ەسەبىنەن ءۇيلى بولادى.
باسپانانىڭ 1 ش.م. قۇنى 70 مىڭ تەڭگەنى قۇرايدى جانە تۇرعىن ءۇي قۇرىلىسى 1 قىركۇيەككە دەيىن اياقتالادى دەپ جوسپارلانۋدا. بولات وتەمۇراتوۆ قورى تاراپىنان تۇرعىن ۇيلەردى سالۋ بويىنشا «بالامەكەن» جوباسىنىڭ جۇزەگە اسىرىلۋىنا 450 ميلليون تەڭگە ءبولىندى.
ءوز تاراپىنان اكىمدىك وسى ۋاقىتقا دەيىن بارلىق ينجەنەرلىك ينفراقۇرىلىمدار - ەلەكتر, گاز, سۋ, تەلەفون بايلانىسى مەن اۆتوجولدار قۇرىلىسىن اياقتاۋعا, سونداي – اق, ءاربىر ۇيگە 6 سوتىق جەر تەلىمىن بولۋگە كەپىلدىك بەرەدى.
اتالمىش مەموراندۋمعا پرەمەر-مينيستر اسقار ءماميننىڭ توراعالىعىمەن وتكەن كەڭەستە قول قويىلدى.
پرەمەر - مينيستر اسقار مامين ۇكىمەت ۇيىندە قازاقستان رەسپۋبليكاسىنىڭ تۇڭعىش پرەزيدەنتى-ەلباسى نۇرسۇلتان نازارباەۆتىڭ كوپ بالالى جانە تولىق ەمەس, وتباسى, مۇمكىندىگى شەكتەۋلى بالا تاربيەلەپ وتىرعان وتباسىلار ءۇشىن تۇرعىن ءۇيدىڭ قولجەتىمدىلىگىن ارتتىرۋ تۋرالى تاپسىرمالارىن ورىنداۋ ماسەلەلەرى بويىنشا كەڭەس وتكىزدى.
كەڭەس بارىسىندا قىزىلوردا وبلىسى حالقىنىڭ الەۋمەتتىك وسال توبىنىڭ تۇرعىن ءۇي ماسەلەسىن شەشۋدەگى تاجىريبەسى ەرەكشە اتالىپ ءوتىلدى. قر ۇكىمەتى باسشىسى قىزىلوردا وبلىسىنىڭ وڭ تاجىريبەسىن باسقا دا ايماقتارعا ەنگىزۋدى تاپسىرىپ, بيزنەس وكىلدەرىن الەۋمەتتىك ءالسىز توپتاعى وتباسىلارعا الەۋمەتتىك قولداۋ كورسەتۋ جونىندەگى جوبالاردى جۇزەگە اسىرۋعا ۇلەس قوسۋعا شاقىردى.
