دياس ءىلياس ۇلى – ەلىمىزدىڭ تانىمال فۋتبولشىسى, جۋرناليست, كوممەنتاتور. 1959-1964 جىلدار ارالىعىندا ول الماتىنىڭ «قايرات» كلۋبى ساپىندا ونەر كورسەتتى. كەيىننەن ءومىرىن سپورت جۋرناليستيكاسىنا ارنادى. كوپتەگەن گازەت- جۋرنالداردا ماقالالارى جارىق كورىپ, رەسپۋبليكالىق تەلەارنالاردا كوممەنتورلىق قىزمەتتەر اتقاردى.
ايتۋلى جارىس قارساڭىندا «قايرات» سپورت-پابىندا دياس وماروۆ, ۆالەري مالىگين جانە دەمەۋشىلەردىڭ قاتىسۋىمەن ءباسپاسوز ءماسليحاتى ۇيىمداستىرىلدى. ال الاڭدا 12 كوماندا باق سىنادى. ولاردىڭ اراسىندا «QAZSPORT», «QAZAQSTAN», «ALMATY», «ABC TV», «سەتانتا» تەلە ارنالارى, «Tengrinews.kz», «Nur.kz», «365 info», «Prosports.kz», «ناش فۋتبول», «جاستار» اقپاراتتىق سايتتارى جانە باسقا دا باق وكىلدەرىنەن جاساقتالعان كوماندالار بار.
وسى تۋرنيردە «ناش فۋتبول» كومانداسى توپ جاردى. فينالدا ولار «نەدەليا سپورتا» ۇجىمىن ۇتتى. ال قولا مەدالدى «جاستار» كلۋبى يەلەندى.
