رۋحانيات • 05 ءساۋىر، 2019

بوتاي مادەنيەتى تۋرالى حالىقارالىق عىلىمي-تəجىريبەلىك جيىن ءوتتى

897 رەت كورسەتىلدى

بۇگىن VI حالىقارالىق «فارابي وقۋلارى» اياسىندا ءال-فارابي اتىنداعى قازاق ۇلتتىق ۋنيۆەرسيتەتىندە تاريح، ارحەولوگيا جانە ەتنولوگيا فاكۋلتەتى مەن «ارحەولوگيا جانە دالا وركەنيەتتەرى» عىلىمي-زەرتتەۋ ينستيتۋتى ۇيىمداستىرعان «بوتاي مادەنيەتى جانە ورتالىق ازياداعى ەنەوليتتىك ەسكەرتكىشتەر» اتتى حالىقارالىق عىلىمي-تəجىريبەلىك كونفەرەنتسياسى اياقتالدى.

كونفەرەنتسيادا دالا وركەنيەتىندە العاش رەت جىلقىنى قولعا ۇيرەتكەندىگىن دالەلى بولىپ تابىلاتىن بوتاي مادەنيەتىندە ۇزاق جىلداردان بەرى تاريح عىلىمىنىڭ دوكتورى، پروفەسسور، گەرمان ارحەولوگيالىق ينستيتۋتىنىڭ كوررەسپوندەنت مۇشەسى ۆ.ف.زايبەرتىڭ جەتەكشىلىگىمەن جۇرگەن جانە الەمدىك دەڭگەيدەگى جەتەكشى عالىمداردىڭ زەرتتەۋلەرىنىڭ ناتيجەلەرى سارالاندى.

كونفەرەنتسياعا قازاقستان، رەسەي، ۇلىبريتانيا، اقش، فرانتسيا، دانيا، قىتاي، گەرمانيا، ليتۆا، يتاليا ت.ب ەلدەردەن كەلگەن عالىمدار قاتىستى.

سونىمەن قاتار بۇل كونفەرەنتسيادا عىلىم جəنە جوعارعى ءبىلىم سالاسىنا سىڭىرگەن وراسان زور ەڭبەگى ءۇشىن الان وۋترام مىرزاعا «ءال-فارابي اتىنداعى قازاق ۇلتتىق ۋنيۆەرسيتەتىنىڭ قۇرمەتتى دوكتورى» اتاعى بەرىلدى.


سوڭعى جاڭالىقتار

ۇقساس جاڭالىقتار