ايماقتار • 05 ءساۋىر، 2019

پاۆلوداردا اتاۋلى الەۋمەتتىك كومەك بەرۋ ءبولىمىنىڭ قىزمەتكەرلەرى دەمالىسسىز قىزمەت كورسەتپەك

580 رەت كورسەتىلدى

وبلىس ورتالىعىنداعى جۇمىسپەن قامتۋ ورتالىعىنىڭ اتاۋلى الەۋمەتتىك كومەك بەرۋ ءبولىمىنىڭ مالىمەتىنشە، قالادا 1435 كوپ بالالى وتباسى تۇرادى.

سوندىقتان، وتباسىنداعى ءار بالاعا تولەنەتىن 21 مىڭ تەڭگەلىك جاردەماقىعا ءوتىنىش بەرۋشىلەر سانى  كوبەيۋدە. ماماندار الداعى ۋاقىتتا دا ۇزدىكسىز جۇمىس ىستەپ، تۇرعىنداردىڭ وتىنىشتەرىن قابىلداماق.

ورتالىققا العاش كۇندەرى 300-دەي ادام كەلگەن. جالپى، جاڭا تالاپ بويىنشا اتاۋلى الەۋمەتتىك كومەك راسىمدەۋگە كەلگەن تۇرعىندار  ءوتىنىش بەرىپ، جەكە كۋالىگىن كورسەتەدى.

ال، قالعان قاجەتتى قۇجاتتاردى ءتيىستى مەكەمەلەرگە سۇرانىم جىبەرىپ، سول ارقىلى ءبولىم ماماندارى وزدەرى تولتىرادى. بۇرىنعىداي قاعاز-قۇجات تاسىپ اۋرە-سارساڭعا تۇسپەيدى. ەسكى تالاپ بويىنشا اتاۋلى الەۋمەتتىك كومەكتى شارتتى تۇردە الاتىن وتباسىلار ءار التى اي سايىن، ال شارتسىز نەگىزدە الاتىندار توقسانىنا ءبىر رەت (3 اي) قۇجاتتارىن جاڭارتتى.

قازىر جاڭا جۇيە بويىنشا شارتتى تۇردە الاتىندار جىلىنا ءبىر رەت، شارتسىز نەگىزدە الاتىندار جارتى جىل سايىن ءوتىنىش بەرەدى. ال، الەۋمەتتىك كومەكتى كوپ بالالى وتباسىلار عانا ەمەس، 1-2 بالاسى بار، بىراق تابىسى از وتباسىنىڭ دا الۋىنا قۇقىعى بار.

ەكىنشىدەن، اتاۋلى الەۋمەتتىك كومەك الاتىن وتباسىنىڭ كەنجە بالاسى 7 جاسقا تولعانعا دەيىن اتا-انالاردىڭ ءبىرى جۇمىس ىستەمەي ۇيدە وتىرۋىنا قۇقىلى. بىراق ەرلى-زايىپتىلاردىڭ بىرەۋى مىندەتتى تۇردە جۇمىس ىستەۋى قاجەت نەمەسە جۇمىسسىزدار تىزىمىندە تىركەلىپ تۇرۋى شارت.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە، بيىل وڭىردە 10 مىڭعا جۋىق ادام اتاۋلى الەۋمەتتىك كومەك الادى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار