سۋرەت «ەگەمەن قازاقستاننىڭ» ارحيۆىنەن الىندى
تۇركىستان وبلىسىندا جىل باسىندا باعانىڭ ءوسۋى بايقالىپ, جەدەل شارالار قولعا الىندى. وبلىستىق كاسىپكەرلىك جانە ساۋدا باسقارماسىنىڭ باسشىسى نۇرجىگىت مىرزاحمەتوۆتىڭ ايتۋىنشا, العاشقىدا تۇتىنۋشىلاردىڭ الاڭداۋشىلىعىن تۋعىزعان نان باعاسى كوپ ۇزاماي باستاپقى قالىپقا كەلتىرىلدى. تۇركىستانداعى نان كومپانياسىنا ءوندىرۋشى رەتىندە جەڭىلدەتىلگەن كوممۋنالدىق تاريفتەر تىزىمىنە ەنگىزۋ, ارزانداتىلعان ۇنمەن قامتاماسىز ەتۋ سىندى قولداۋ كورسەتىلىپ جاتىر. سونىمەن قاتار تۇراقتاندىرۋ قورى ارقىلى قارجىلانعان «ينساف» جانە «عاجايىپ» نان وندىرۋشىلەرى كۇنىنە 2 مىڭ ناندى نارىققا 70 تەڭگەدەن تاراتىپ وتىر.
نان وندىرۋشىلەر ءۇشىن ۇن باعاسىن ارزانداتۋ ماقساتىندا «ازىق-ت ۇلىك كەلىسىمشارت كورپوراتسياسى» ۇلتتىق كومپانياسىنا ارزانداتىلعان 2 مىڭ توننا بيداي الۋعا اۋىل شارۋاشىلىعى باسقارماسى تاراپىنان ءوتىنىم ۇسىنىلعان.
ال كوكونىس ونىمدەرى باعاسىن ماۋسىمارالىق كەزەڭدە تۇراقتاندىرۋ ماقساتىندا تاۋار وندىرۋشىلەرمەن الدىن الا فورۆاردتىق كەلىسىمدەر جاسالدى. جەلتوقساننىڭ سوڭىنان باستاپ فورۆاردتىق كەلىسىمدەر ارقىلى الىنعان كوكونىس ونىمدەرىن نارىققا شىعارۋ جۇمىستارى باستالدى. بۇگىندە 510 توننا كارتوپ, 620 توننا قىرىققابات, 268 توننا پياز, 240 توننا ءسابىز نارىققا شىعارىلدى. جالپى العاندا, اينالىم سحەماسى, فورۆاردتىق كەلىسىمشارتتار, قويماداعى قورلاردى ەسەپتەگەندە, تۇراقتاندىرۋ قورىندا 22 مىڭ توننا قور بار. «الەۋمەتتىك ماڭىزى بار ازىق-ت ۇلىك ونىمدەرىنىڭ كەيبىرىنە جەكە توقتالاتىن بولساق, ەرتە پىسەتىن كارتوپپەن وبلىس حالقى 2 ەسە ارتىعىمەن قامتاماسىز ەتىلەدى. وبلىستا كەش مەرزىمدە پىسەتىن 20 مىڭ توننا ءسابىز ءوندىرىلىپ, قامتاماسىز ەتىلۋى 81%-دى قۇرادى. بۇگىندە تۇراقتاندىرۋ قورىندا 1,8 مىڭ توننا ءسابىز بار. ەرتە مەزگىلدە پىسەتىن ءسابىز ونىممەن وبلىس حالقى 2 ەسە ارتىعىمەن قامتاماسىز ەتىلمەك. قۇس ەتى, جۇمىرتقا, بالىق ەتى, وزگە دە ازىق-ت ۇلىك ونىمدەرىمەن قامتاماسىز ەتۋ باعىتىندا ءتيىستى جۇمىستار اتقارىلعان», دەيدى وبلىستىق اۋىل شارۋاشىلىعى باسقارماسى باسشىسىنىڭ ورىنباسارى الىبەك پلالوۆ.
سونداي-اق باسقارما باسشىلىعىنىڭ دەرەگىنشە, ماۋسىمارالىق كەزەڭدە باعانىڭ تۇراقسىزدىعى بولعان جاعدايدا, جيناقتالعان قور باعانى 6 ايعا دەيىن تۇراقتاندىرۋ ءۇشىن قولدانۋعا جەتەدى. وبلىس حالقى جىل بويى وڭىردە وندىرىلەتىن الەۋمەتتىك ماڭىزى بار ازىق-ت ۇلىك ونىمدەرىنىڭ 17 تۇرىمەن تولىق قامتاماسىز ەتىلەدى. «الەۋمەتتىك ماڭىزى بار 31 ازىق-ت ۇلىك ءتۇرىنىڭ تەك 17 تۇرىمەن ءوزىمىزدىڭ تاۋار وندىرۋشىلەر قامتاماسىز ەتۋدە. ەندى قالعان 14 ازىق-ت ۇلىكتىڭ 9 ءتۇرىن وبلىستا وندىرۋگە تولىق مۇمكىندىك بار دەپ ەسەپتەيمىن. اتاپ ايتقاندا, ايران, جۇمىرتقا, ىرىمشىك, سارى ماي, بالىق, سۇزبە, قايماق, تاۋىق ەتى, روجكي ونىمدەرىمەن تولىق قامتۋىمىزعا نە كەدەرگى؟ بۇل ناقتى جۇمىس جوسپارىنىڭ جوقتىعى دەپ سانايمىن. سوندىقتان «اۋىل اماناتى» جانە وزگە دە جوبالار مەن باعدارلامالار ارقىلى جەرگىلىكتى كاسىپكەرلەر مەن شارۋالاردى ۇيلەستىرىپ, وسى ونىمدەردى ءوندىرۋ كەرەك», دەدى وبلىس اكىمى نۇرالحان كوشەروۆ.
ازىق-ت ۇلىك تاۋارلارىنىڭ باعاسىن رەتتەۋ بويىنشا كەشەندى ءىس-شارا جوسپارى بەكىتىلىپ, قاتاڭ باقىلاۋعا الىنادى. جاۋاپتىلارعا وڭىردە ازىق-ت ۇلىك باعالارىنىڭ نەگىزسىز وسۋىنە جول بەرمەۋ ماقساتىندا ناقتى شارالاردى قابىلداۋ جۇكتەلدى. تۇراقتاندىرۋ قورىنداعى الەۋمەتتىك ماڭىزى بار ازىق-ت ۇلىك تاۋارلارىن تەك قانا تۇركىستان قالاسىنداعى 70-كە جۋىق ءىرى سۋپەرماركەت, بازارلار مەن الەۋمەتتىك دۇكەندەرگە عانا ەمەس اۋدان,
قالالارداعى بازارلار, ساۋدا ورىندارى مەن الەۋمەتتىك دۇكەندەرگە دە جەتكىزۋ مىندەتتەلدى.
تۇركىستان وبلىسى
