قانىش ساتباەۆتىڭ ۇلتتىق عىلىم اكادەمياسى عيماراتىنداعى بيۋستىنە گۇل شوقتارىن قويىپ, رۋحىنا تاعزىم بىلدىرگەن عىلىمي ورتا ق.ي. ساتباەۆتىڭ مەموريالدىق مۋزەيى جانە «عىلىم ورداسى» رمك عىلىمي كىتاپحاناسى قورىنان الىنعان عالىمنىڭ قۇندى مۇراعاتىمەن تانىستى.
كونفەرەنتسيا جۇمىسىن جۇرگىزگەن ش.ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ جۇرگىزىپ, شارانىڭ نەگىزگى تاقىرىبى اياسىندا ەلىمىزگە تانىمال عالىمداردىڭ ساتباەۆ مۇراسى حاقىنداعى زەرتتەۋلەرى, قازاق عىلىمىنىڭ دامۋ جولىنداعى ەرەكشە ەسكە الاتىن كەزەڭدەر تۋرالى ەستەلىكتەردىڭ جالعاسىن تاباتىندىعىن جەتكىزدى. شارانىڭ اشىلۋ سالتاناتىندا ءسوز سويلەگەن قر ۇعا ۆيتسە-پەرزيدەنتى-اعا عىلىمي حاتشى
ماقسات قاليمولداەۆ قر ۇعا اكادەميگى م.ج.جۇرىنوۆتىڭ قۇتتىقتاۋ ءسوزىن وقىدى. «عۇلاما عالىمنىڭ ونەگەلى ءومىرى مەن قازاق عىلىمىنا سىڭىرگەن ەڭبەگى وراسان زور. سوعىستان كەيىنگى قيىن-قىستاۋ كەزەڭدە قازاقستاننىڭ ۇلتتىق عىلىم اكادەمياسىن ۇيىمداستىرىپ, بۇگىنگى تاڭدا جۇمىس ىستەپ وتىرعان ءارتۇرلى سالاداعى عىلىمي-زەرتتەۋ ينستيتۋتتارىنىڭ جۇمىسىن جولعا قويۋدا ەرەكشە ىجداعاتتىلىقپەن, شىدامدىلىقپەن قىزمەت ەتكەن وتاندىق عىلىم ۇيىمداستىرۋشىسىنىڭ قىزمەتى – ءبىز ءۇشىن وشپەس ونەگە.
ۇلتىمىزدىڭ الدىڭعى قاتارلى وقىعان زيالى قاۋىمى جاپپاي قۋعىندالىپ, اتىلعانى اتىلىپ, قالعانى لاگەرلەرگە ايدالىپ جاتقان زاماندا قازاق عىلىمىنا ادال ەڭبەك ءسىڭىرىپ, گەولوگيا سالاسىندا الەمدىك دەڭگەيدەگى ءىرى عىلىمي جاڭالىقتاردى اشۋ ءۇشىن تەك عالىم بولۋ جەتكىلىكسىز ەدى. ق.ي. ساتباەۆ ءوز زامانىنىڭ قاجىماس كۇرەسكەرى, قازاقتىڭ ماڭدايىنا بىتكەن قايراتكەرى بولدى. ق.ي. ساتباەۆ فەنومەنى وسىندا بولاتىن» دەلىنگەن قۇتتىقتاۋ لەبىزدە.
كونفەرەنتسيا جۇمىسى ارى قاراي قر ۇعا اكادەميگى سۇلتان وزدوەۆتىڭ, قر بجعم عىلىم كوميتەتى توراعاسىنىڭ ورىنباسارى ەركىن سادىقوۆتىڭ, الماتىداعى رەسەي فەدەراتسياسىنىڭ كونسۋلى ي.ۆ. پەرەۆەرزەۆانىڭ, الماتى قالاسىنىڭ اكىمىنىڭ كەڭەسشىسى م. احەتوۆتىڭ, قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورى گ.ت. الدامبەرگەنوۆانىڭ, يۋنەسكو-نىڭ قر جانە ورتالىق ازيا بويىنشا الماتىداعى كلاستەرلىك بيۋروسى جاراتىلىستانۋ عىلىمدارى بيۋروسىنىڭ باسشىسى كريستينە توۆماسيان, اتاتۇرىك پرينتسيپتەرى جانە رەۆوليۋتسيا تاريحى ينستيتۋتى ديرەكتورىنىڭ ورىنباسارى, حاجدەتتەپە ۋنيۆەرسيتەتىنىڭ قاۋىمداستىرىلعان پروفەسسورى سەيفي يىلدىرىم, ي. اراباەۆ اتىنداعى قىرعىز مۋ عىلىمي-زەرتتەۋ ورتالىعىنىڭ ديرەكتورى جۇماعۇل بايديلدەەۆتىڭ, ق.ي.ساتباەۆتىڭ نەمەرەسى نۇرلان جارماعامبەتوۆتىڭ قۇتتىقتاۋ سوزدەرىمەن قۇتتىقتاۋ سوزدەرىمەن جالعاسىن تاپتى.
مەملەكەت تاريحى ينستيتۋتىنىڭ ديرەكتورى ت.ع.د., پروفەسسور, بۇركىت اياعاننىڭ, قر پرەزيدەنتى ءارحيۆى ديرەكتورىنىڭ ورىنباسارى, ت.ع.د., پروفەسسور قايرات الىمعازينوۆتىڭ, باياندامالارىن عالىمدار ەرەكشە ىقىلاسپەن تىڭدادى.
اكادەميكتىڭ عىلىم جولىنداعى ىزگىلىكتى مۇراسى تۋرالى ءسوز ەتكەن اكادەميك ءازىمحان ساتىبالدين ق.ساتباەۆتىڭ انگلياعا ساپارى بارىسىنداعى ۋ.چەرچيلمەن كەزدەسۋ بارىسىنداعى ءازىل-قالجىڭدارى ارقىلى ءوز حالقىن مويىنداتىپ, اعىلشىن ۇكىمەتى باسشىسىنىڭ ەرەكشە قۇرمەتىنە يە بولعانىن كەڭىنەن اشىپ كورسەتسە, بۇگىندە توقساندى ەڭسەرگەن فيلوسوف-عالىم, قر ۇعا اكادەميگى دوسمۇحامەد كىشىبەكوۆ ءوزىن موسكۆاعا وقۋعا قالاي جىبەرگەنىن, ق.ي.ساتباەۆتىڭ قامقورلىعى مەن مەن ادامگەرشىلىگى حاقىندا كەڭىنەن اڭگىمەلەدى.
ش.ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس عىلىمي قىزمەتكەرى, ت.ع.ك. قايدار الداجۇمانوۆ ساتباەۆتىڭ عىلىمدى ۇيىمداستىرۋداعى ەرەن ەڭبەگىنە توقتالىپ, حح عاسىردا قازاق حالقى ءۇشىن جاساپ كەتكەن ءۇش جەتىستىگى, ياعني, بىرىنشىدەن, قازاق حالقىنىڭ ءوزىنىڭ مەملەكەتتىلىگىن قايتادان قالپىنا كەلتىرۋى; ەكىنشىدەن, قازاق حالقىنىڭ 100 پايىز ساۋاتتى ۇلتقا اينالۋى جانە ۇشىنشىدەن, بۇكىل الەمدىك عىلىمي مەكەمەلەردەن ارتىق بولماسا ەشبىر كەمى جوق ۇلتتىق عىلىم اكادەمياسىن قۇرعاندىعى جايىندا اتاپ ءوتتى. ال پروفەسسور ساعىندىق جاۋىمباەۆ قازىرگى وتاندىق ارحەولوگيا عىلىمى جاپون عالىمدارىمەن بىرلەسە وتىرىپ, قازاق دالاسىنداعى تەمىر كەن ورىندارىنىڭ ب.ز.د. 13-14-عاسىرلاردا بولعانىن دالەلدەگەنىن كەڭىنەن كورسەتتى. ەگەر تاعى دا 2-3 رەت وسىلاي كەن ورىندارى ارقىلى دالەلدەنسە, دۇنيە ءجۇزى بويىنشا قازاق دالاسىندا ەڭ العاش رەت تەمىر بالقىتىلىپ, كەن يگەرىلگەنى مويىندالماق, دەدى.
قازاق عىلىمىنىڭ قاينارىندا تۇرعان, كەڭەستىك جانە قازاق مەتاللوگەنيا مەكتەبىنىڭ نەگىزىن قالاعان, قازاق كسر عىلىم اكادەمياسىنىڭ ۇيىمداستىرۋشىسى, الەمدەگى ەڭ ءىرى مىس كەنىشتەرىنىڭ ءبىرى – ۇلىتاۋ-جەزقازعان كەن ورنىن تۇڭعىش اشقان ساتباەۆتىڭ عىلىم جولىنا ارنالعان كونفەرەنتسيادا ارنايى قارار قابىلداندى:
- ءبىلىم الۋشى جاستاردى عىلىمعا كەڭىنەن تارتۋ ماقساتىندا قر بجعم عىلىم كوميتەتىنىڭ ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى مەن اكادەميك ق.ي. ساتباەۆتىڭ مەموريالدىق مۋزەيى اۋقىمىندا قوعامدىق-گۋمانيتارلىق باعىتتاعى ستۋدەنتتەردىڭ, ماگيسترانتتار مەن جاس عالىمداردىڭ جىل سايىنعى ايماقتىق عىلىمي-پراكتيكالىق كونفەرەنتسياسىن («ساتباەۆ وقۋلارى») وتكىزۋ تۋرالى ۇسىنىس ماقۇلدانسىن.
- اكادەميك ق.ي. ساتباەۆتىڭ عىلىمي مۇراسىن بەلسەندى تاراتۋ ماقساتىندا ق.ي. ساتباەۆتىڭ نەگىزگى ەڭبەكتەرى, ول تۋرالى عىلىمي ماقالالار, ارحيۆ قۇجاتتارى, عىلىمي كونفەرەنتسيالاردىڭ جيناقتارى, فوتو-ۆيدەوماتەريالدار جانە ت.ب. ورنالاستىرىلاتىن ۆەب-سايت ۇيىمداستىرۋ قولعا الىنسىن.
- قر بجعم عىلىم كوميتەتىنىڭ ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى « ۇلى دالانىڭ ۇلى ەسىمدەرى» جوباسىندا اكادەميك ق.ي. ساتباەۆ تۋرالى ماتەريالداردى ورنالاستىرۋدى قاراستىرسىن.
- مەكتەپتەر مەن جوعارى وقۋ ورىندارىنىڭ ەلەكتروندى وقۋلىقتارىنا قازاقستان عىلىمىنىڭ قالىپتاسۋى, ق.ي. ساتباەۆتىڭ ءومىرى مەن عىلىمي قىزمەتى دەگەن پاراگراف نەمەسە تاقىرىپشا كىرگىزۋدىڭ قاجەتتىلىگى ماسەلەسى, سونداي-اق مەملەكەتتىك مۋزەيلەر بازاسى ارقىلى گەولوگيا نەگىزدەرى جانە تاۋ-كەن ءىسىنىڭ دامۋ تاريحى, قازاقستان عىلىمىنىڭ جەتىستىكتەرى مەن تاريحىن وقۋ جونىندەگى فاكۋلتاتيۆتىك ساباقتار ارقىلى ورتا ءبىلىم باعدارلاماسىن كەڭەيتۋ مۇمكىندىگى قاراستىرىلسىن.
- «قاسيەتتى قازاقستان» عىلىمي-زەرتتەۋ ورتالىعىنا قر ۇعا عيماراتىن, سونداي-اق, اكادەميك ق.ي. ساتباەۆتىڭ الماتى, باياناۋىل, قارساقپاي قالالارىنداعى مۋزەيلەرىن «تاريحي تۇلعالارعا بايلانىستى قاسيەتتى جەرلەر» تىزىمىنە قوسۋ ماسەلەسىن قاراستىرۋ ۇسىنىلسىن.
