بۇل كۇندەرى ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى جاساقتاعان «احمەت بايتۇرسىنوۆ ىزىمەن. ورىنبور كەزەڭى» اتتى عىلىمي-زەرتتەۋ ەكسپەديتسياسى رەسەيدىڭ ورىنبور قالاسىندا ءجۇر. ونى فيلولوگيا عىلىمدارىنىڭ دوكتورى, پروفەسسور الماسبەك ابسادىقوۆ باسقارىپ باردى. ەكسپەديتسيا مۇشەلەرى ورىنبور مەملەكەتتىك پەداگوگيكا ۋنيۆەرسيتەتى رەسەي تاريحى كافەدراسىنىڭ دوتسەنتى, «ورەنبۋرسكي پۋت احمەتا بايتۋرسۋنوۆا» كىتابىنىڭ اۆتورى تاتيانا تۋگايمەن بىرگە ۇلت ۇستازىنىڭ ورىنبورداعى تابانى تيگەن تاريحي جەرلەردى ارالادى.
«ورىنبور قالاسى قازاقستاندىقتاردى حح عاسىردىڭ باسىنداعى قازاق قوعامدىق-ساياسي قايراتكەرلەرىنە قاتىستى تاريحي ورىندارىمەن تارتادى. بۇل جاس ۇرپاق ءۇشىن رۋحاني ماڭىزى جوعارى ەكەندىگىنە ماقتانامىز» دەيدى ورىنبورداعى «جاس قانات» قازاق ۇلتتىق قوعامدىق جاستار ۇيىمىنىڭ توراعاسى رۋسلان چۋلكەەۆ.
ەكسپەديتسيا الداعى كۇندەرى ورىنبور وبلىستىق ارحيۆىندە بولادى جانە ساۋلە تايكەشەۆا باسقاراتىن حالىقارالىق «قازاق ءتىلى» قوعامى مۇشەلەرىمەن, ورىنبور مەملەكەتتىك پەداگوگيكا ۋنيۆەرسيتەتى عالىمدارىمەن, قازاق دياسپوراسى وكىدەرىمەن كەزدەسەتىن بولادى.
قوستاناي
