«ايتۋلى شارا «رۋحاني جاڭعىرۋ» باعدارلاماسى مەن جاستار جىلى اياسىندا وتكىزىلىپ وتىر. داستۇرگە اينالعان بۇل سايىستىڭ نەگىزگى ماقساتى – كاسىبي ماماندىقتاردىڭ قانشالىقتى ماڭىزدى ەكەنىن ۇعىندىرۋ. جاستارىمىزدى ۇلكەن ومىرگە باۋلۋ. بيىل اتالمىش شارانى نەكە سارايىندا وتكىزۋىمىزدىڭ وزىندىك سەبەبى دە جوق ەمەس. بۇل كيەلى شاڭىراقتا وتباسى قۇرىلادى. ال, باقىتتى وتباسى – مەملەكەتىمىزدىڭ نەگىزى», - دەيدى الماتى ءسان جانە ديزاين كوللەدجىنىڭ ديرەكتورى نادەجدا ياكوۆلەۆا.
قاتىسۋشىلار ءوز قولدارىنان ورىلگەن ءتۇرلى بۇيىمداردى جۇرت نازارىنا ۇسىنىپ, ۇلتتىق ءداستۇرىمىز بەن ادەپ-عۇرپىمىزدان سىر شەرتەتىن ادەبي شىعارمالاردى جارىسا وقىدى.
ارمان وكتيابر,
«ەگەمەن قازاقستان»
الماتى
