سوڭعى ەكى جىلدا وڭىردە 2000 شاقىرىمنان استام جول جوندەلدى. ونىڭ ىشىندە وبلىستىڭ ءىرى قالالارىنداعى بارلىق نەگىزگى كوشەلەرىندەگى جولدار قالىپقا كەلتىرىلگەن. قاراعاندىدا تەك وتكەن جىلدىڭ وزىندە 70 كوشەدە جوندەۋ جۇمىستارى جۇرگىزىلدى.
قوعامدىق كەڭەس مۇشەلەرى قازىرگى تاڭدا تۇرعىندار ەلدى مەكەندەردەگى جولداردىڭ جاعدايىن سىنعا الىپ جۇرگەنىن اتاپ ءوتتى.
- قاراعاندىلىقتاردىڭ جول جوندەۋ جۇمىستارىنا قاتىستى بارلى نارازىلىقتارى دۇرىس. كەپىلدىك قىزمەت كورسەتۋ تۋرالى ەسكە سالعىم كەلەدى. ءبىز مەردىگەر ۇيىمداردى كەپىلدىك بويىنشا ءوز مىندەتتەمەلەرىن ورىنداۋعا مىندەتتەيمىز, - دەپ اتاپ ءوتتى ەرلان قوشانوۆ.
وبلىس اكىمى اقاۋى بار جول ۋچاسكەلەرىن اتادى. ول ساتباەۆ, گوگول, كوسموناۆتار كوشەلەرى, ۆوستوك 1-2-3 ىقشام اۋداندارىنداعى, 12 ىقشام اۋدانداعى اينالما جولدار. سونداي-اق سوۆحوزنايا, لەنين, مەندەلەەۆ, گۋدەرمەسسكايا, ب. مومىش ۇلى, ماحمەتوۆ, ساتىبالدين, پروگرەسس, كرىلوۆ, باجەنوۆ كوشەلەرى, ب. جىراۋ جانە رەسپۋبليكا داڭعىلدارى.
- اۋا-رايىنىڭ قولايلى بولعان بەتتە, وندا جوندەۋ جۇمىستارى باستالادى, - دەدى ايماق باسشىسى.
وسى جازدا قاراعاندىدا قۇرىلىسشىلار داڭعىلىندا ەكى جىلدىق جوندەۋ جۇمىستارى اياقتالادى. وتكەن جىلى سۋ قۇبىرى جانە جىلۋ جەلىلەرىنىڭ ءبىر بولىگى اۋىستىرىلدى. قازىر نوسەر كارىز جۇيەسى سالىنۋدا. ال كۇن جىلىعان كەزدە جۇمىسشىلار اسفالتبەتوندى, جيەك تاستاردى اۋىستىرىپ, تەحنيكالىق جاۋيا جۇرگىنشىلەر جولىن جاساپ, جارىقتاندىرۋ ورناتا باستايدى. بارلىق جۇمىستار كۇزگە قاراي اياقتالۋى ءتيىس.
سونداي-اق, ايماق باسشىسى مايقۇدىقتاعى ك. ماركس جانە ماگنيتوگورسكايا كوشەلەرىندەگى جولدىڭ ءبىر بولىگىن جوندەۋ تۋرالى جوسپارلارىمەن ءبولىستى. بۇل جولداردا شۇڭقىرلاردى بىتەۋ جۇمىستارىمەن عانا شەكتەلىپ قويۋعا مۇمكىن ەمەس, سوندىقتان جاياۋ جۇرگىنشىلەر جولدارى, سۋ اعارن كارىزدەرى, جارىقتاندىرۋ جانە جول قيىلىسى جۇيەلەرىن جاڭارتۋدى قاراستىراتىن جوندەۋ جۇمىستارىنىڭ جوباسى قۇرىلدى. اتالمىش جۇمىستار بيىلعى جىلى باستالادى دەپ جوسپارلانۋدا. سونداي-اق, 2019 جىلى 7 ماگيسترالعا اعىمداعى جوندەۋ جۇرگىزلۋى ءتيىس.
قازىر قاراعاندىدا 166 جول كەپىلدەندىرلگەن مەرزىمدە (2016 جىلى – 25 كوشە, 2017 جىلى – 71 كوشە, 2018 جىلى – 70 كوشە). شۇڭقىرلار, جارىقتار, جول جابىنىنىڭ جوعارعى قاباتىنىڭ بۇزىلۋى 19 ۋچاسكەدە پايدا بولدى.
بۇگىنگى تاڭدا بارلىق كەپىلدى جولدار تەكسەرىلدى. بارلىق مەردىگەرلىك ۇيىمدارعا انىقتالعان اقاۋلاردى جويۋ بويىنشا ۇيعارىمدار بەرىلدى. جوندەۋ جۇمىستارى 20 ساۋىردەن كەيىن باستالادى.
