اعىمداعى جىلدىڭ ەكى ايىندا شيكى مۇناي ءوندىرىسى 13,2 ملن توننانى قۇراعان. بۇل ءتيىستى كەزەڭمەن سالىستىرعاندا 5,6 پايىزعا ۇلعايعان. مۇناي ءوندىرىسىنىڭ ۇلەسى اتىراۋ وبلىسى بويىنشا 64 پايىزدى قۇرايدى (8,4 ملن توننا, جىلىنا +11 پايىز). ايماقتا ەڭ ءىرى وندىرۋشىلەر قاتارىندا «نورت كاسپيان وپەرەيتينگ كومپاني ن.ۆ.» فيليالى (قاشاعان كەن ورنى), «تەنگيزشەۆرويل» جشس (تەڭىز كەن ورنى), «ەمبىمۇنايگاز» اق, ت.ب. بار. مۇنايدىڭ 21,9 پايىزى ماڭعىستاۋ ءوڭىرىنىڭ ەنشىسىنە تيەسىلى بولسا (2,9 ملن توننا, جىلىنا 5 پايىز), 7,4 پايىزى قىزىلوردا وبلىسىندا وندىرىلگەن (969,8 مىڭ توننا, جىلىنا −7 پايىز).
قازاقستان وپەك+ كەلىسىمدەرىنىڭ قاتىسۋشى رەتىندە ناۋرىز ايىنىڭ ەكىنشى جارتىسىنان باستاپ ءارى قاشاعان جانە قاراشىعاناق كەن ورىندارىنداعى جوندەۋ جۇمىستارىنا بايلانىستى مۇناي ءوندىرىسىن تاۋلىگىنە 200 مىڭ باررەلگە دەيىن ازايتۋدى جوسپارلاعان. بۇل جايىندا قر ەنەرگەتيكا ءمينيسترى قانات بوزىمباەۆ حيۋستونداعى CERAWeek سالالىق كونفەرەنتسيا بارىسىندا مالىمدەگەن-ءدى. وسى مەجەدە قازاقستان وپەك+ كەلىسىمىندەگى تالاپتاردى دا ورىندايتىن بولادى.
