وسى سالانىڭ بىلىكتى مامانى, حيرۋرگ-ورتوپەد دەنيس ريماشەۆسكي وڭىردە بولىپ, ارىپتەستەرىنە شەبەرلىك ساعاتتارىن وتكىزدى.
«ەندوپروتەزدەۋ دەگەنىمىز–ادامنىڭ توزعان شەمىرشەگىنە بولماسا زاقىمدانعان بۋىندارى مەن سىنعان سۇيەكتەرگە جاسالاتىن وتا. پوليەتيلەندى جاپسىرمامەن نە تەمىرمەن الماستىرىلادى. كومپيۋتەرلىك توموگرافيا جانە مرت نەگىزىندە ناۋقاستىڭ اناتوميالىق ەرەكشەلىكتەرى تالدانىپ, ونداعان جىلدارعا جارامدى پروتەز قويىلادى», دەيدى ماسكەۋلىك مەيمان.
تىزە بۋىنىن ەندوپروتەزدەۋدىڭ جاڭا ءتاسىلى ەنگىزىلگەلى وبلىس ورتالىعىندا 80-گە جۋىق وتا جاسالعان. الايدا اتالمىش وپەراتسياعا مۇقتاج جانداردىڭ سانى وتە كوپ. № 3 قالالىق ەمحانانىڭ باس دارىگەرى ەرجان ابۋعاليەۆتىڭ ايتۋىنشا, تىزە بۋىنىن ەندوپروتەزدەۋگە مەملەكەت قازىناسىنان ءبىر ناۋقاسقا ورتاشا ەسەپپەن 900 مىڭ تەڭگە جۇمسالادى ەكەن. بيىل 30 ادامعا وتا جاسالىپ, تىزە نەمەسە جامباس سۇيەگىنە ەندوپروتەز جاساۋ جۇمىسى جەڭىلدەتىلىپتى. ەندى وقىستان اۋىر جاراقات الىپ, سۇيەگىن سىندىرعان جاندار نەمەسە كارىلىككە بايلانىستى اياعىن جازا الماي قالعاندارعا تەگىن وتا جاسالادى.
سولتۇستىك قازاقستان وبلىسى
