ساياسات • 02 ءساۋىر، 2019

1 دارىگەردىڭ جۇكتەمەسى 1 989 ادامدى قۇرايدى - ە.ءبىرتانوۆ

283 رەت كورسەتىلدى

دارىگەرلەردىڭ جۇكتەمەسىن تومەندەتۋ ماقساتىندا 2018 جىلى 1315 جالپى پراكتيكا دارىگەر ۋچاسكەسى مەن 79 پەدياتريالىق ۋچاسكەسى اشىلدى. بۇل تۋرالى دەنساۋلىق ساقتاۋ ءمينيسترى ە. ءبىرتانوۆ ۇكىمەت وتىرىسىندا حابارلادى.

ءمينيستردىڭ ايتۋىنشا، بۇگىنگى كۇنى 1 دارىگەردىڭ جۇكتەمەسى 1 989 تىركەلگەن ادامدى قۇرايدى ەكەن. ال جالپى پراكتيكا دارىگەرى جۇكتەمەسىنىڭ ەڭ جوعارى كورسەتكىشى قوستاناي، باتىس قازاقستان جانە قاراعاندى وبلىستارىندا بايقالادى.

«وسىلايشا، جۇكتەمەنىڭ جوسپارلانعان دەڭگەيىنە جەتۋ ءۇشىن العاشقى مەديتسينالىق كومەك ۇيىمدارىنا قوسىمشا 1 157 دارىگەر قاجەت.

ەلىمىزدىڭ وڭىرلەرىندە، اسىرەسە اۋىلدىق ەلدى مەكەندەرگە كەلگەن جاس ماماندارعا الەۋمەتتىك قولداۋ كورسەتۋدىڭ جانە تۇرعىن ۇيمەن قامتاماسىز ەتۋدىڭ ماڭىزى زور» دەدى ە.ءبىرتانوۆ.

كوتەرمە جاردەماقى ۇسىنۋ بويىنشا الماتى، قوستاناي جانە جامبىل وبلىستارى جەتكىلىكسىز جۇمىس جۇرگىزۋدە.

2019 جىلى ەلىمىزدىڭ مەديتسينالىق جوعارى وقۋ ورىندارىندا 5 000-نان استام تۇلەگىنىڭ 1 515-ءى جالپى پراكتيكا دارىگەرى مامانى بولماق. «بۇل العاشقى مەديتسينالىق كومەك كادرلارىنىڭ تاپشىلىعىن تۇگەلدەي قامتۋعا جەتكىلىكتى. جەرگىلىكتى اتقارۋشى ورگاندار جاس مامانداردى تارتۋ ماقساتىندا بارلىق الەۋمەتتىك قولداۋ شارالارىن جاساۋى قاجەت» دەيدى مينيستر.

الەۋمەتتىك قولداۋ شارالارى اۋىلدى مەكەندەرمەن قاتار، شاعىن قالالاردا كورسەتۋ مۇمكىندىگى زاڭنامامەن بەكىتىلۋ قاجەت. بۇل سول جەردەگى كادر تاپشىلىعىن جويۋعا مۇمكىندىك بەرەدى.

«سونداي-اق، جاس ماماندارعا ءوز وقۋىن جەكە مەنشىك مەديتسينالىق ۇيىمداردا جۇمىسپەن وتەۋگە مۇمكىندىك بەرۋ قاجەت. بۇل العاشقى مەديتسينالىق كومەكتى مەملەكەتتىك-جەكەمەنشىك ارىپتەستىك مەحانيزمى ارقىلى دامىتۋعا مۇمكىندىك بەرەدى» دەدى ە.ءبىرتانوۆ ءوز سوزىندە.

سوڭعى جاڭالىقتار

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار