2019 جىلعى العاشقى شىعارىلىم سىرتقى ىستەر ءمينيسترى بەيبىت اتامقۇلوۆتىڭ «ءسىم دامۋدىڭ جاڭا كەزەڭىندە» اتتى ماقالاسىنان باستالادى. وندا مينيسترلىكتىڭ ينۆەستيتسيالاردى تارتۋ بويىنشا مەملەكەتتىك ساياساتتى ىسكە اسىرۋ مىندەتتەرى مەن ەكسپورتتى ىلگەرىلەتۋدەگى ءرولى بەلگىلەنگەن.
شىعارىلىمدا ورتالىق ازياداعى جاعدايعا جانە بىرتىندەپ كۇشەيىپ كەلە جاتقان قازاقستان-وزبەكستان قاتىناستارىنا ەرەكشە نازار اۋدارىلدى. وڭىرلىك قاۋىپسىزدىك اياسىنداعى قازاقستان مەن وزبەكستاننىڭ كوپجوسپارلى ەكىجاقتى ىنتىماقتاستىعى تۋرالى كوزقاراسىمەن وزبەكستان رەسپۋبليكاسىنىڭ سىرتقى ىستەر ءمينيسترى ابدۋلازيز كاميلوۆ «ديپلوماتيا جارشىسى» ءۇشىن جازعان ەكسكليۋزيۆتى ماقالاسىندا بولىسەدى.
«ەكونوميكالىق ديپلوماتيا» ايدارىندا وقىرمانداردىڭ نازارىنا «استانا» حالىقارالىق قارجى ورتالىعىنىڭ بيرجا باسقارماسىنىڭ توراعاسى تيموتي بەننەتت جانە Polpharma ءىرى فارماتسەۆتيكالىق كومپانياسىنىڭ بايقاۋشى كەڭەسىنىڭ توراعاسى ەجي ستاراكتىڭ جاريالانىمدارى ۇسىنىلادى.
جۋرنال «كىتاپ سورەسى» اتتى جاڭا ايدارمەن تولىقتىرىلدى. ەلباسى جاريالاعان جاستار جىلى اياسىندا سىرتقى ىستەر مينيسترلىگى «قازاقستان ديپلوماتياسىنىڭ جاڭا ەسىمدەرى» اتتى بىرەگەي كىتابىن باسىپ شىعاردى. باسىلىمدا قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ ديپلوماتيا ينستيتۋتىنىڭ ديرەكتورى ماريان ابىشەۆانىڭ سىن پىكىرى ۇسىنىلعان.
كوكتەمگى شىعارىلىمدا تاتارستان رەسپۋبليكاسىنىڭ قازاقستان-رەسەي ستراتەگيالىق ارىپتەستىگىندەگى ورنى; ەلىمىزدىڭ يادرولىق قارۋسىزدانۋدان بۇۇ بىتىمگەرشىلەرىن دايىنداۋعا دەيىنگى جولى; قازاقستانداعى ءدىني سالانى دامىتۋ; الەۋمەتتىك جەلىلەر ديپلوماتياسى جانە ت.ب. ماڭىزدى تاقىرىپتار بەرىلگەن
«ديپلوماتيا جارشىسى» قازاق, ورىس («ۆەستنيك ديپلوماتي») جانە اعىلشىن تىلدەرىندە («The Diplomatic Herald of Kazakhstan») باسىپ شىعارىلادى.
