فوتو: اشىق دەرەككوز
كومپانيا تاراپى بۇل ايىپتاۋلاردى جوققا شىعارىپ, قىزمەتكەردىڭ جۇمىستان شىعارىلماعانىن مالىمدەدى. رەسمي تۇسىندىرمەدە جاعدايدى رەتتەۋدىڭ بىرنەشە نۇسقاسى ۇسىنىلعانى, سونىڭ ىشىندە باسقا مەيرامحاناعا اۋىسۋ مۇمكىندىگى قاراستىرىلعانى ايتىلدى. سونداي-اق كومپانيا وكىلدەرى قىزمەتكەر مەن ونىڭ وتباسىنىڭ قاتىسۋىمەن ديالوگقا دايىن ەكەنىن جەتكىزدى.
وسى ماسەلەگە بايلانىستى ەڭبەك جانە حالىقتى الەۋمەتتىك قورعاۋ مينيسترلىگى رەسمي مالىمدەمە جاسادى. مينيسترلىكتىڭ حابارلاۋىنشا, جاعداي باقىلاۋعا الىنعان.
«الماتى قالاسىنىڭ مەملەكەتتىك ەڭبەك ينسپەكتورى الىبەك قاراتايدىڭ تۇرعىلىقتى جەرىنە باردى. قىزمەتكەردىڭ اكەسىمەن تەلەفون ارقىلى سويلەسۋ بارىسىندا ءوتىنىش بەرۋ تەتىكتەرى مەن ەڭبەك زاڭناماسىندا كوزدەلگەن كەپىلدىكتەر جونىندە جان-جاقتى تۇسىندىرمە جۇمىستارى جۇرگىزىلدى», دەلىنگەن مينيسترلىك تاراتقان اقپاراتتا.
مۇگەدەك بالالاردىڭ اتا-انالارىن قورلاعان بلوگەرگە سوت ۇكىمى شىقتى
سونداي-اق ۆەدومستۆو جۇمىس بەرۋشىدەن الىنعان مالىمەتكە سۇيەنە وتىرىپ, «QSR» جشس (Burger King) ۇيىم ىشىندە قىزمەتتىك تەكسەرۋ جۇرگىزىپ جاتقانىن حابارلادى.
«تەكسەرۋ كەزەڭىندە باسشىلاردىڭ ءبىرىن ۋاقىتشا قىزمەتىنەن شەتتەتۋ تۋرالى شەشىم قابىلداندى», دەپ اتاپ ءوتتى مينيسترلىك.
الەۋمەتتىك قىزمەت كورسەتەتىن ۇيىمداردىڭ جۇمىسى قالاي وزگەرەدى؟
مينيسترلىك الداعى ۋاقىتتا جاعدايدىڭ دامۋ بارىسى جونىندە قوسىمشا اقپارات بەرىلەتىنىن مالىمدەدى.
