اقپان ايىنان باستاپ ساۋلەت, قالا قۇرىلىسى جانە جەر باسقارماسى مامبەتوۆ كوشەسى, 24 مەكەنجايى بويىنشا ورنالاسقان «اففاري» بيزنەس-ورتالىعىنا كوشكەن بولاتىن. باسقارما قىزمەتكەرلەرى open space فورماتىندا جۇمىس ىستەيدى. وسىلايشا, جەرگىلىكتى اتقارۋشى ورگاندار ازاماتتارمەن ءوزارا ءىس-قيمىلدىڭ جاڭا فورماتىنا كوشتى. جاڭا كەڭسەدە كەلۋشىلەردى قابىلداۋ ءۇشىن زاماناۋي رەسەپشن, عيماراتتىڭ پەريمەترى مەن حوللى بويىنشا بەينەباقىلاۋ قاراستىرىلعان, قىزمەتكەرلەر مەن كەلۋشىلەردىڭ دەرەكتەرىن ەسەپكە الۋ ءۇشىن قولجەتىمدىلىكتى باقىلاۋ جۇيەسى بار.
سونىمەن قاتار, باسقارمامەن مەملەكەتتىك قىزمەتتەردى اۆتوماتتاندىرۋ بويىنشا جۇمىستار جۇرگىزىلۋدە.
بۇگىنگى تاڭدا مەملەكەتتىك ورگان 22 مەملەكەتتىك قىزمەت كورسەتۋدە. بۇعان دەيىن بۇل جەردە ەلەكتروندىق نۇسقادا 2% مەملەكەتتىك قىزمەت كورسەتىلدى, بۇگىندە ەلەكتروندىق فورماتقا مەملەكەتتىك قىزمەتتىڭ 39% كوشىرىلدى. بيىل قىزمەتتىڭ 80% ەلەكتروندى تۇرگە اۋىسۋى قاجەت.
«اشىقتىق - بۇل سىبايلاس جەمقورلىققا جول بەرمەۋ شارتتارىنىڭ ءبىرى. ەلەكتروندىق فورمات قىزمەت الۋشىلارمەن بايلانىستىڭ تومەندەگەنىن كورسەتەدى. بىزدە سىبايلاس جەمقورلىققا قارسى مادەنيەتتى, يممۋنيتەتتى, سىبايلاس جەمقورلىققا نولدىك توزىمدىلىكتى قالىپتاستىرۋ ءجۇرىپ جاتىر. بۇل پاراللەل بولۋى كەرەك. كەڭسەلەر دە اشىلادى, مەملەكەتتىك قىزمەتتەردى تسيفرلاندىرۋمەن قاتار, تيىسىنشە, سانا وزگەرۋى ءتيىس. سول كەزدە قوعام دا ۇلكەن راحمەت ايتادى», - دەدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ.
