تۋرنير سپورتتىڭ بوكس جانە كيكبوكسينگ تۇرلەرىنەن سپورت شەبەرلەرى مارقۇمدار مارات بەگەجانوۆ پەن اسىلحان بۇسىرمانوۆتى ەسكە الۋعا ارنالدى. بۇل تۋرنيردە ءار جىلدارى كوپتەگەن قازىرگى بەلگىلى سپورتشىلار كۇش سىناسقان بولاتىن. قازىر ولار جاتتىقتىرۋشى بولىپ ىستەيدى, وسىنداي جارىستارعا ءوز شاكىرتتەرىن باۋلىپ اكەلەدى. ال ۆاسيلي لەۆيت الەمدىك ارەنالاردا ەلىمىزدىڭ اتىن شىعارىپ ءجۇر. بيىلعى چەمپيوناتقا ەلىمىزدىڭ بارلىق شالعايىنان 300-دەن استام سپورتشى كەلدى.
«مۇنداي جارىستار سپورتتىڭ دامۋىنا سەرپىن بەرەدى. كيكبوكسينگ جاستار اراسىندا كەڭ تاراعان سپورت ءتۇرى, مۇنداي شارالاردىڭ ماڭىزى جاستار جىلى ارتا تۇسەدى» دەدى وبلىس اكىمىنىڭ ورىنباسارى مارات جۇندىباەۆ.
ول تۋرنيرگە كەلگەن سپورتشىلارعا تابىس تىلەدى. چەمپيونات 30 ناۋرىزدا اياقتالادى.
ءنازيرا جارىمبەت,
«ەگەمەن قازاقستان»
قوستاناي
