قاۋىپسىزدىك شارالارى قامتىلۋدا
بەيسەنبى, 13 جەلتوقسان 2012 7:13
بۇگىندە ەلورداداعى قىلمىستىق جاعداي تۇراقتى قالپىندا تۇر. الدىن-الا قولعا الىنعان شارالاردىڭ ءناتيجەسىندە اۋىر جانە اسا اۋىر, سونىڭ ىشىندە كىسى ءولتىرۋ, قاراقشىلىق سياقتى قىلمىستار ازايدى. جالپى, وسى قىلمىستاردىڭ 65 پايىزىن ۇرلىق الىپ وتىر. دەگەنمەن, ول ۇرلىقتاردىڭ ماتەريالدىق شىعىنى از مولشەردى قۇرايدى. قازىرگى ۋاقىتتا استانالىق پوليتسيا قىزمەتكەرلەرى وسى قىلمىستاردى بولدىرماۋ ماقساتىندا ءتۇرلى پروفيلاكتيكالىق جۇمىستار جۇرگىزۋدە. بۇل تۋرالى كەشە قالالىق ءماسليحاتتىڭ بەسىنشى شاقىرىلىمىنىڭ كەزەكتى ون ءبىرىنشى سەسسياسىندا ايتىلدى. وندا استانا قالاسى ىشكى ىستەر دەپارتامەنتىنىڭ قوعامدىق قاۋىپسىزدىكتى نىعايتۋ جانە ەلوردامىزداعى قىلمىستى بولدىرماۋعا قاتىستى پروفيلاكتيكالىق جۇمىستى كۇشەيتۋ ماسەلەسى قارالدى.
بەيسەنبى, 13 جەلتوقسان 2012 7:13
بۇگىندە ەلورداداعى قىلمىستىق جاعداي تۇراقتى قالپىندا تۇر. الدىن-الا قولعا الىنعان شارالاردىڭ ءناتيجەسىندە اۋىر جانە اسا اۋىر, سونىڭ ىشىندە كىسى ءولتىرۋ, قاراقشىلىق سياقتى قىلمىستار ازايدى. جالپى, وسى قىلمىستاردىڭ 65 پايىزىن ۇرلىق الىپ وتىر. دەگەنمەن, ول ۇرلىقتاردىڭ ماتەريالدىق شىعىنى از مولشەردى قۇرايدى. قازىرگى ۋاقىتتا استانالىق پوليتسيا قىزمەتكەرلەرى وسى قىلمىستاردى بولدىرماۋ ماقساتىندا ءتۇرلى پروفيلاكتيكالىق جۇمىستار جۇرگىزۋدە. بۇل تۋرالى كەشە قالالىق ءماسليحاتتىڭ بەسىنشى شاقىرىلىمىنىڭ كەزەكتى ون ءبىرىنشى سەسسياسىندا ايتىلدى. وندا استانا قالاسى ىشكى ىستەر دەپارتامەنتىنىڭ قوعامدىق قاۋىپسىزدىكتى نىعايتۋ جانە ەلوردامىزداعى قىلمىستى بولدىرماۋعا قاتىستى پروفيلاكتيكالىق جۇمىستى كۇشەيتۋ ماسەلەسى قارالدى.
قالالىق ءماسليحات سەسسياسىنىڭ جۇمىسىندا استانا قالاسىندا قىلمىستىڭ الدىن الۋ جانە پروفيلاكتيكالىق جۇمىستاردىڭ ءجۇرگىزىلۋىن كۇشەيتۋ مەن نىعايتۋ تۋرالى ەلوردالىق ىشكى ىستەر دەپارتامەنتىنىڭ باستىعى پوليتسيا گەنەرال-مايورى امانتاي اۋباكىروۆ ەسەپ بەردى. ونىڭ سوزىنە قاراعاندا, ورىن العان قىلمىستاردى جاپپاي تىركەۋگە بايلانىستى ارىزداردىڭ كوپتىگىنە قاراماستان جاعداي تۇراقتى قالىپتا. قىلمىسپەن كۇرەس پەن ونى بولدىرماۋدىڭ الدىن-الۋ ماقساتىندا جۇرگىزىلەتىن پروفيلاكتيكالىق جۇمىستارمەن قوسا پوليتسيا قىزمەتكەرلەرىنىڭ نازارىنان باسقا دا سالالار تىس قالماۋدا. سونىمەن قاتار قالاعا كەلۋشى ميگرانتتاردىڭ سانى كۇرت وسۋىنە بايلانىستى ولاردىڭ زاڭ بۇزۋشىلارىنا قاتىستى ءتيىستى شارالار قولدانىلۋدا.
ىشكى ىستەر دەپارتامەنتى جۇمىسىندا باسىم باعىت قوعامدىق قاۋىپسىزدىك ءبولىمىنىڭ ەنشىسىندە. مەملەكەت باسشىسى نۇرسۇلتان نازارباەۆتىڭ تاپسىرماسى بويىنشا ەلوردامىزدا تازالىق پەن تىنىشتىقتى ساقتاۋ بارىسىندا كوپ جۇمىس اتقارىلدى. ۇستىمىزدەگى جىلدىڭ ءساۋىر ايىنان باستاپ قوعامدىق قاۋىپسىزدىككە قارسى 44 مىڭ اكىمشىلىك قۇقىق بۇزۋشىلىق تىركەلىپ, انىقتالعان. ۇساق بۇزاقىلىق پەن قوعامدىق ورىنداردا قوقىس تاستاۋ قۇقىق بۇزۋشىلىعى بويىنشا 106 ادام اكىمشىلىك قاماۋعا الىندى. تيەسىلى ايماقتا ۋاقىتىندا تازالاۋ جۇمىستارىن جۇرگىزبەگەنى ءۇشىن 110 پيك اكىمشىلىك جاۋاپكەرشىلىككە تارتىلدى. جولعا قوقىس تاستاعانى ءۇشىن 17,5 مىڭنان استام جۇرگىزۋشىگە ايىپپۇل سالىندى.
پوليتسيا قىزمەتكەرلەرىنىڭ قابىلەتتىلىگى مەن اسكەري دايىندىقتارىن ارتتىرۋ ماسەلەسى دە نازاردان تىس قالعان جوق. مەملەكەت باسشىسىنىڭ جارلىعىنا ساي ىشكى ىستەر دەپارتامەنتىنىڭ بارلىق جەكە قۇرامى كەزەكتەن تىس اتتەستاتتاۋدان وتكىزىلدى. ونىڭ قورىتىندىسى بويىنشا وڭىرلىك اتتەستاتتاۋ كوميسسياسىنىڭ شەشىمىمەن 502 قىزمەتكەر اتقارىپ وتىرعان قىزمەتىنە ساي ەمەس دەپ تانىلدى, 115 قىزمەتكەر ىشكى ىستەر قىزمەتىنەن بوساتىلدى.
وتكىزىلگەن كەزەكتەن تىس اتتەستاتتاۋ بىزگە ءوز ماماندىعىنا ادال قىزمەت ەتەتىن قىزمەتكەرلەردى تاڭداپ الۋعا جول اشتى ءارى قاتارىمىزدى بەدەلىمىزدى تۇسىرەتىن قىزمەتكەرلەردەن تازارتۋعا مۇمكىندىك بەردى, دەيدى ىشكى ىستەر دەپارتامەنتىنىڭ باستىعى.
بۇدان ءارى ول استانا قالاسىندا وتەتىن حالىقارالىق كورمەگە توقتالدى. ويتكەنى, حالىقارالىق EXPO – 2017 كورمەسى ءبىزدىڭ ەلىمىزدە وتەتىن ەڭ ماڭىزدى ءىس-شارالاردىڭ ءبىرى, وعان دايىندىق ساقاداي ساي بولۋى كەرەك. ءىس-شارادا استانا قالاسى ءىىد پوليتسيا قىزمەتكەرلەرىنىڭ اتقاراتىن جۇمىستارى كوپ, كوشى-قون باقىلاۋى, كەلگەن قوناقتاردىڭ ءجانە بەلگىلەنگەن نىسانداردا ءتيىستى قوعام قاۋىپسىزدىگىن قامتاماسىز ەتۋ پوليتسيا قىزمەتكەرلەرىنىڭ مىندەتى.
باياندامانى مۇقيات تىڭداعان قاتىسۋشىلار ونى تالقىعا سالىپ, ءوز ويلارىن ءبىلدىردى. ەلوردالىق پوليتسيا باستىعى ءماسليحات دەپۋتاتتارى مەن قاتىسۋشىلاردىڭ قويعان سۇراقتارىنا جاۋاپ بەردى. ولاردىڭ سۇراقتارىنىڭ باسىم كوپشىلىگى پوليتسيا جۇمىسى مەن قىلمىستىڭ الدىن الۋعا قاتىستى بولدى. ويتكەنى, الدىندا عانا دەپۋتاتتار ىشكى ىستەر دەپارتامەنتى مەن باسقارمالارىن ارالاپ, ولارمەن بىرگە تۇنگى رەيدتەرگە شىققان ەدى. حالىق قالاۋلىلارى پوليتسيا قىزمەتكەرلەرىنىڭ قانداي جاعدايدا جۇمىس اتقاراتىندىعىمەن, سونىمەن قاتار قوعامدىق قاۋىپسىزدىك سالاسىندا قۇقىق بۇزۋشىلىقتى بولدىرماۋ جانە الدىن الۋ جۇمىستارىن جۇرگىزۋ كەزىندە پايدالانىلاتىن جاڭا تەحنولوگيالارمەن دە تانىستى.
الەكساندر تاسبولاتوۆ,
«ەگەمەن قازاقستان».
