ماڭىزدى ماسەلەلەر قارالدى
بەيسەنبى, 27 جەلتوقسان 2012 7:21
ارانداتقان ارباۋىمەن ادامدى الداپ جىعاتىن ج ۇلىنقۇرتتىڭ قاتەرلى قادامى الەمدى قىمتاپ الدى. ول قامىتتان شىعۋدىڭ جولى بىرلەسە ارەكەت ەتۋ ەكەندىگىن قازىر سول الەم حالقى ءتۇسىنىپ وتىر. سوندىقتان دا ەسىرتكىگە ەسى كەتكەندەردىڭ ەسەلەنبەسى ءۇشىن ەرتەرەك ەل بولىپ قيمىلداۋ ەڭسەلى ءىس. وسىعان وراي بۇرناعى كۇنى شانحاي ىنتىماقتاستىق ۇيىمىنا مۇشە مەملەكەتتەردىڭ ەسىرتكىنىڭ زاڭسىز اينالىمىنا قارسى كۇرەس جۇرگىزۋ بويىنشا وكىلەتتىك بەرىلگەن ورگاندار باسشىلارى كەڭەسىنىڭ ەسىرتكىگە قارسى سۇرانىستى تومەندەتۋ جونىندەگى ساراپشىلار توبىنىڭ باس قوسقان وتىرىسى بولدى.
بەيسەنبى, 27 جەلتوقسان 2012 7:21
ارانداتقان ارباۋىمەن ادامدى الداپ جىعاتىن ج ۇلىنقۇرتتىڭ قاتەرلى قادامى الەمدى قىمتاپ الدى. ول قامىتتان شىعۋدىڭ جولى بىرلەسە ارەكەت ەتۋ ەكەندىگىن قازىر سول الەم حالقى ءتۇسىنىپ وتىر. سوندىقتان دا ەسىرتكىگە ەسى كەتكەندەردىڭ ەسەلەنبەسى ءۇشىن ەرتەرەك ەل بولىپ قيمىلداۋ ەڭسەلى ءىس. وسىعان وراي بۇرناعى كۇنى شانحاي ىنتىماقتاستىق ۇيىمىنا مۇشە مەملەكەتتەردىڭ ەسىرتكىنىڭ زاڭسىز اينالىمىنا قارسى كۇرەس جۇرگىزۋ بويىنشا وكىلەتتىك بەرىلگەن ورگاندار باسشىلارى كەڭەسىنىڭ ەسىرتكىگە قارسى سۇرانىستى تومەندەتۋ جونىندەگى ساراپشىلار توبىنىڭ باس قوسقان وتىرىسى بولدى. وعان شىۇ-عا مۇشە مەملەكەتتەردىڭ ەسىرتكىنىڭ زاڭسىز اينالىمىنا قارسى كۇرەس بويىنشا قۇزىرەتتى ورگاندارى ساراپشىلارىنىڭ جۇمىس توبى مۇشەلەرى قاتىستى.
وتىرىس بارىسىندا اسا ماڭىزدى ءارى كەڭ اۋقىمدى ماسەلەلەر قارالدى. شانحاي ىنتىماقتاستىق ۇيىمىنا ءمۇشە مەملەكەتتەردىڭ 2011-2016 جىلدارعا ارنالعان ەسىرتكىگە قارسى ستراتەگياسىن ىسكە اسىرۋ بويىنشا تاراپتاردىڭ ۇسىنىستارى تالقىلاندى. ويتكەنى, شانحاي ىنتىماقتاستىق ۇيىمى – وڭىرلىك حالىقارالىق ۇيىم بولىپ تابىلادى. ونىڭ قۇرامىنا 6 مەملەكەت – قازاقستان, قىتاي, قىرعىزستان, رەسەي, تاجىكستان جانە وزبەكستان كىرەدى. شىۇ-نىڭ ماقساتى – ءوزارا سەنىمدى, دوستىق پەن تاتۋلىقتى نىعايتۋ, ساياسي, ساۋدا-ەكونوميكالىق, عىلىمي-تەحنيكالىق, مادەني, ەنەرگەتيكالىق, ەكولوگيالىق جانە باسقا سالالاردا مۇشە مەملەكەتتەر اراسىندا ءتيىمدى ىنتىماقتاستىق ورناتۋ, وڭىردە بەيبىتشىلىكتى, قاۋىپسىزدىكتى جانە تۇراقتىلىقتى قامتاماسىز ەتۋ بويىنشا بىرلەسە ارەكەت ەتۋ. سوندىقتان دا اتالعان وتىرىستا ەسىرتكىگە قارسى سۇرانىستى تومەندەتۋ, ەسىرتكىنى ناسيحاتتاۋ ءۇشىن قولدانىلاتىن ءمۇمكىندىكتەردى شەكتەۋ ايتىلىپ, بۇعان قوسا ەسىرتكىگە قارسى كۇرەستە ۇكىمەتتىك ۇيىمدار مەن قوعامدىق بىرلەستىكتەردىڭ الەۋەتىن پايدالانۋ جونىندە ناقتى ۇسىنىستار جاسالدى.
كەزدەسۋگە قاتىسۋشىلار مەديتسينالىق-الەۋمەتتىك وڭالتۋدىڭ تولىققاندى جۇيەسىن قالىپتاستىرۋ, شىۇ-عا مۇشە مەملەكەتتەردە حالىقتىڭ ناشاقورلىققا سالىنۋ دەڭگەيىن انىقتاۋ ارقىلى ەسىرتكىگە تاۋەلدىلەردى ەسەپكە الۋ جۇيەسىن جەتىلدىرۋ, شىۇ-عا مۇشە مەملەكەتتەردە ناشاقورلىققا الەۋمەتتىك اۋرۋ مارتەبەسىن بەرۋ جونىندە ناقتى ۇسىنىستار ايتتى. سونداي-اق شىۇ-عا مۇشە مەملەكەتتەردىڭ ەسىرتكىنىڭ جاڭا تۇرلەرىن انىقتاۋ مانىنە ەسىرتكى نارىعىنا مونيتورينگ جۇرگىزۋ جانە ناقتى پروفيلاكتيكالىق شارالاردى قابىلداۋ بويىنشا بىرلەسكەن ءىس-قيمىلداردىڭ ۇيلەستىرۋ تەتىكتەرى تالقىلاندى.
ءسويتىپ, وسىنىڭ ارقاسىندا قول جەتكىزىلگەن ۋاعدالاستىقتار وسى وتىرىستىڭ حاتتاماسىندا كورسەتىلدى جانە بۇدان ءارى شىۇ-عا مۇشە مەملەكەتتەردىڭ قۇزىرەتتى ورگاندارى باسشىلارىنىڭ كەڭەسىندە قارالاتىن بولدى. وتىرىستا قابىلدانعان شەشىمدەر شىۇ-عا مۇشە مەملەكەتتەردە ەسىرتكىگە قارسى سۇرانىستى ءتومەندەتۋدىڭ ءتيىمدى كەشەندىك جۇيەسىن قالىپتاستىرۋ ماقساتىندا قۇزىرەتتى ورگانداردىڭ ەسىرتكىنىڭ زاڭسىز اينالىمىنا قارسى جۇمىسىن ۇيلەستىرۋدىڭ نەعۇرلىم جوعارى دەڭگەيىنە قول جەتكىزۋگە جانە ناشاقورلىقتىڭ الدىن الۋدى جەتىلدىرۋگە مۇمكىندىك بەرەدى, دەپ ەسەپتەيدى ەسىرتكى بيزنەسىنە قارسى كۇرەس كوميتەتىنىڭ وكىلدەرى.
الەكساندر تاسبولاتوۆ,
«ەگەمەن قازاقستان».
