وندا تۇرعىندار نۇرسۇلتان نازارباەۆتىڭ ەلگە سىڭىرگەن ەڭبەگىن, الىستى كورەتىن ساياساتكەر ەكەنىن ايتتى. اسىرەسە, اعا بۋىن وكىلدەرى ەلىمىزدىڭ تاۋەلسىزدىك العاننان كەيىنگى اۋىر جىلداردان امان شىعىپ, دامۋدىڭ جولىنا تۇسكەنىمىزدى تىلگە تيەك ەتتى. ولار وسىدان 30 جىل بۇرىنعى ۋاقىت پەن بۇگىنىمىزدى سالىستىرۋعا كەلمەيتىنىن, الەمنىڭ كوپتەگەن ەلدەرىنەن جاعدايىمىزدىڭ ەشقانداي كەم ەمەستىگىن ايتتى. سوندىقتان ەلباسىنىڭ ءوزىنى وسىرگەن قالاسىنا – ەلوردامىزعا ونىڭ اتىن بەرۋ وتە جاراسىمدى ەكەنىن كوپشىلىك قولدادى.
«مەن استانانىمىزدىڭ اتى وزگەرگەنىن قۋانا قولدايمىن. بۇل ەلباسى ەڭبەگىنە بەرىلگەن ءادىل باعا دەپ بىلەمىن. سول كىسىنىڭ ارقاسىندا ەلىمىز سوعىسسىز, بەيبىت ومىردە ءومىر ءسۇرىپ كەلەمىز, الەۋمەتتىك جاعدايىمىزدىڭ دا جاقسارعانىن ارداگەرلەر دە, جاستار دا ايتىپ جاتىر» دەدى «نۇر وتان» پاتياسى تاران اۋداندىق فيليالى توراعاسىنىڭ ورىنباسارى ايناش دادانوۆا.
مۇنداي جىلى, شىنايى پىكىرلەر وزگە اۋدانداردا وتكەن اكتسيالاردا دا كوپشىلىكتىڭ اۋزىنان كوپ ەستىلدى.
ءنازيرا جارىمبەت,
«ەگەمەن قازاقستان»
قوستاناي
