ايماقتار • 26 ناۋرىز، 2019

قوستاناي وبلىسىندا پوليتسەيلەر ازاماتتىق الىپ بەردى

483 رەتكورسەتىلدى

قۇجاتسىز ءجۇرۋدىڭ قانداي قيىنشىلىقتارى بولاتىنىن ازاماتتىعىن ۋاقىتىلى الا الماعان جاندار جاقسى بىلەدى. ارقالىق قالاسى مەنۇزىنكول اۋدانىنىڭ تۇرعىندارى پوليتسەيلەرگە وسى ماسەلەنى تەز ارادا شەشىپ بەرگەنى جانە تياناقتى جۇمىسى ءۇشىن العىسىن ايتتى.

سوڭعى ۋاقىتتا رەسەيدە كوپ جىلدار تۇرعان سۆەتلانا بەرناتسكايا ارقالىققا قايتا ورالعان بولاتىن. ول قالالىق پوليتسيا بولىمىنە ازاماتتىق الۋ ءۇشىن كەڭەس سۇراعاندا ءوزى دە تاڭقالىپ قالدى. ول بۇل ءىس ۇزاققا سوزىلاتىن بولار دەپ، قينالىپ جۇرگەن ەدى. ونىڭ ازاماتتىعى قىسقا ۋاقىتتا شەشىمىن تاپتى. پوليتسيا قىزمەتكەرلەرى ولجاس يمانبەكوۆ پەن مەيرامكۇل بايسالبەكوۆا سۆەتلانانىڭ كامەلەتكە تولماعان قىزىنا ازاماتتىعى جوقتىعى تۋرالى قۇجات الۋىنا كومەكتەستى.

سونىمەن قاتار ۇزىنكول اۋدانىنداعى كۇلزابيرا قيسىقوۆا كوش-قوڭ ءبولىمى قىزمەتكەرلەرىنىڭ تياناقتى، جەدەل جۇمىستارى ارقاسىندا ءىنىسىنىڭ قۇجاتىن دۇرىستاپ، كوڭىلى تىندى.

«كسرو تاراعاننان كەيىن مەنىڭ ءىنىم قۇجاتسىز ءجۇردى. اسكەر قاتارىنان كەيىن تۇرمىس تاۋقىمەتىمەن رەسەيدە قالدى، وندا قۇجاتتارىن جوعالتىپ الىپتى. 15 جىل بويى ءبىز وعان قۇجات جاساعىمىز كەلىپ جۇگىرگەنىمىزدەن ەش ناتيجە شىقپادى» دەيدى كۇلزابيرا.

ولار اۋدانداعى كوشى-قوڭ قىزمەتىندەگى پوليتسيا كاپيتانى ارمان باتىرحانوۆقا وسى ماسەلەسىن ايتقاندا، ول تەز ارادا قولعا الىپ، ءىستىڭ وڭعا باسۋىنا كومەك بەردى. قازىر كۇلزابيرانىڭ ءىنىسى جەكە باسىنىڭ كۋالىگىن جانە قازاقستان رەسپۋبليكاسىنىڭ ازاماتتىعىن الدى.

وبلىستىق كوشى-قوڭ قىزمەتىنىڭ باستىعى قايرات دۇتباەۆتىڭ ايتۋىنشا، جەرگىلىكتى جەرلەردە ادامداردىڭ مارتەبەسىن بەكىتەتىن قاجەتتى قۇجاتتاردى جيناۋ جونىندەگى جۇمىستار قوردالانىپ قالعان. ولاردى اۋداندىق بولىمدەر وبلىستىق پوليتسيا دەپارتامەنتىنە جىبەرىپ جاتادى. ال جەرگىلىكتى جەردەگى مامانداردىڭ ىسكەرلىگى ارقاسىندا ادامداردى اۋرە-سارساڭعا سالماي، ءىستى وسىلاي جەدەل شەشۋگە دە بولادى.

ءنازيرا جارىمبەت،

«ەگەمەن قازاقستان»

قوستاناي

سوڭعى جاڭالىقتار

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

جۇدىرىقتاي جۇمىلايىق

رۋحانيات • بۇگىن، 07:45

كاسىپكەرلەر تىلەگى ەسكەرىلدى

بيزنەس • بۇگىن، 07:40

«موسكۆانىڭ» ماسەلەسى كوپ

ايماقتار • بۇگىن، 07:36

ۇقساس جاڭالىقتار