وباما ما, الدە رومني مە؟
سارسەنبى, 7 قاراشا 2012 7:29
گازەت وقىرماندار قولىنا تيگەنشە, اقش-تاعى پرەزيدەنتتىك سايلاۋ دا مارەسىنە جەتىپ ۇلگەرەدى. سايلاۋعا ءبىر كۇن قالعاندا اقش پرەزيدەنتى باراك وباما ءوزىنىڭ باسەكەلەسى, رەسپۋبليكالىق كانديدات ميتت رومنيدەن ەكى پۋنكت وزىق تۇرعان بولاتىن.
سارسەنبى, 7 قاراشا 2012 7:29
گازەت وقىرماندار قولىنا تيگەنشە, اقش-تاعى پرەزيدەنتتىك سايلاۋ دا مارەسىنە جەتىپ ۇلگەرەدى. سايلاۋعا ءبىر كۇن قالعاندا اقش پرەزيدەنتى باراك وباما ءوزىنىڭ باسەكەلەسى, رەسپۋبليكالىق كانديدات ميتت رومنيدەن ەكى پۋنكت وزىق تۇرعان بولاتىن.
قولىمىزداعى سوڭعى مالىمەتتەرگە قاراعاندا, العاشقى اشىلعان سايلاۋ ۋچاسكەلەرىندە ءىس باسىنداعى پرەزيدەنت باراك وباما جەڭىسكە جەتكەن. بىراق بۇل دەموكراتتىڭ اتى بارلىق جەردە بىردەي وزىپ كەلەدى دەگەن ءسوز ەمەس. ساراپشىلاردىڭ پايىمداۋلارىنشا, وسى جولعى سايلاۋ بۇرىن-سوڭدى بولماعان تەكەتىرەسپەن وتسە, ءبىر ۇمىتكەر ەكىنشىسىن ءسال عانا باسىمدىقپەن جەڭەتىن بولادى.
ەكى يادرولىق رەاكتورىن توقتاتادى
وڭتۇستىك كورەيا قوسالقى بولشەكتەرىنىڭ ساپاسىزدىعىنا بايلانىستى ەكى يادرولىق رەاكتورىن توقتاتاتىنىن حابارلادى. بۇل شەشىم دەرەۋ ورىندالۋى ءتيىس. ءسويتىپ, رەاكتورلار 2013 جىلدىڭ قاڭتارىنا دەيىن قاڭتارىلىپ تۇراتىن بولادى. وسى ارالىقتا ينجەنەرلەر رەاكتوردىڭ كوپتەگەن كونەرگەن بولشەكتەرىن اۋىستىرىپ ۇلگەرۋى ءتيىس.
وڭتۇستىك كورەيا ەكونوميكا ءمينيسترى حونگ سۋك ۆۋ رەاكتورلاردى جابۋ بۇكىل قىس مەزگىلىندە ەلەكتر قۋاتىنىڭ بۇرىن-سوڭدى بولماعان تاپشىلىعىنا الىپ كەلەتىنىن مالىمدەدى. سونداي-اق, ول پروكۋراتۋرا جاساندى بولشەكتەر ساتقاندارعا قارسى تەكسەرۋ جۇرگىزەتىنىن اتاپ وتكەن. يونگۆانداعى اتوم ەلەكتر ستانساسى 1979 جىلدان بەرى پايدالانىلىپ كەلەدى. ءبۇگىنگى تاڭدا وڭتۇستىك كورەيادا 23 يادرولىق رەاكتور جۇمىس ىستەيدى. ولار ەلگە قاجەتتى ەلەكتر قۋاتىنىڭ ۇشتەن ءبىرىن قامتاماسىز ەتەدى. 2030 جىلعا دەيىن تاعى 16 رەاكتور پايدالانۋعا بەرىلەتىن بولادى.
پالەستينالىق اتىپ ءولتىرىلدى
يزرايل اسكەريلەرى گازا سەكتورىمەن شەكارادا پالەستينا تۇرعىنىن اتىپ ولتىرگەن. وقيعا جەكسەنبى كۇنى كەشكىسىن ورىن العان. اسكەريلەر بۋفەرلى ايماققا كىرگەن ادامدى بايقاپ قالىپ, وعان توقتا دەگەن بەلگى بەرگەن. وعان قۇلاق اسپاعاننان سوڭ اۆتوماتتان وق اتقان.
پالەستينالىق مەديكتەردىڭ ايتۋلارىنشا, بۋفەرلى ايماققا كىرۋگە رۇقسات الۋ ءۇشىن بىرنەشە ساعات كۇتۋگە تۋرا كەلگەن. سول ارالىقتا پالەستينالىق العان جاراقاتتارىنان كوز جۇمعان. ەگەر كومەك دەر كەزىندە كورسەتىلگەندە, پالەستينالىقتى امان الىپ قالۋعا ابدەن بولادى ەكەن. قازان ايىنىڭ سوڭىنان بەرى يزرايل مەن پالەستينا اۆتونومياسى اراسىنداعى احۋال وسىلايشا ۋشىعىپ كەتىپ وتىر.
قىسقا قايىرىپ ايتقاندا:
گرۋزيانىڭ ورتالىق بولىگىندەگى كساني كەنتىندەگى تۇرمەدەگىلەر تۇزەۋمەكەمەسىنىڭ باسشىلىعىن اۋىستىرۋدى تالاپ ەتىپ, اۋىزدارىن تىگىپتاستاعان. بۇل تۋرالى قۇقىق قورعاۋشى گەورگي لوردكيپانيدزەجاريالادى.
رەسەي فەدەراتسياسى كوممۋنيستىك پارتياسىنىڭ ۆولگوگراد ءبولىمشەسىستالينگراد بولىمشەسى بولىپ قايتا اتالاتىن بولدى. مۇنداي شەشىمدىبولىمشە جەتەكشىسى نيكولاي پارشين قابىلداسا, پارتيا كوسەءمى گەنناديزيۋگانوۆ ونى قولداعان.
داعىستاننىڭ بۋيناك قالاسىندا پوليتسيا ءاۆتوموبيلى جارىپ جىبەرىلدى. 4 قاراشا كۇنى كەشكىسىن «ۆاز-2107» ءاۆتوموبيلىنىڭ استىنا بەكىتىلگەن جارىلعىش قۇرىلعى ىسكە قوسىلىپ, جارىلعىش ءجۇرگىزۋشى پوليتسەيدىڭ ەكى اياعىن ج ۇلىپ كەتكەن.
سيريانىڭ حاما قالاسىندا ب ۇلىكشىلەر ۇكىمەت اسكەرلەرى مەن ولاردىڭ جاقتاستارى توبىن قيراتا ولتىرگەن. «فرانس-پرەسس» اگەنتتىگىنىڭ حابارلاۋىنشا, مينا قويىلعان اۆتوكولىك جارىلىسىنان 50 اسكەري قىزمەتشى مەن ۇكىمەت جاعىنداعى جاساق وكىلدەرى وپات بولعان.
«تاجىك شپيوندارى» سوتتالدى
وزبەكستاندا كورشى تاجىكستان مەملەكەتىنىڭ پايداسىنا شپيوندىقپەناينالىسقان دەپ ايىپتالعان 4 ادام سوتتالدى. وزبەك جاعىنىڭ ايتۋىنشا,اتالعان ادامدار قۇپيا اقپارات جيناۋمەن اينالىسقان. سوت ولاردى 14جىلدان 20 جىلعا دەيىن باس بوستاندىقتارىنان ايىرۋ تۋرالى ۇكىمشىعاردى.
وزبەك جاعىنىڭ مالىمدەۋىنشە, «شپيوندىق جەلىنى» تاجىكستاننىڭ بۇرىنعى ديپلوماتيالىق وكىلى باحتيبەك نازارحۋدوەۆ پەن تاجىكستان ۇلتتىق قاۋىپسىزدىك كوميتەتىنىڭ بۇرىنعى وكىلى ابدۋللو نازاروۆ ۇيىمداستىرىپتى. جالپى, سوڭعى بىرنەشە جىل بەدەرىندە وزبەكستان مەن تاجىكستاندا شپيوندىق جاسادى دەگەن ايىپپەن ونداعان ادام تۇرمەگە قامالعان. ماسەلەن, بىلتىر وزبەكستاندا تاجىكستان ازاماتى سايدكۋل اشۋروۆ 20 جىلعا سوتتالسا, ودان 1 جىل بۇرىن تاجىكستاندا وزبەكستاندىق بويمۋرود اناروۆ ۇزاق جىل تۇرمەدە وتىرۋعا كەسىلگەن بولاتىن.
اسىعىستىق سان سوقتىرار ەدى
ءيزرايلدىڭ Channel 2 تەلەارناسى 2010 جىلى ءيزرايلدىڭ يراننىڭ يادرولىق نىساندارىنا شابۋىل جاساۋعا دايىندالعانى تۋرالى جۋرناليستىك زەرتتەۋ بويىنشا حابار كورسەتتى.
جۋرناليستەردىڭ دەرەكتەرىنە قاراعاندا, يزرايل پرەمەر-مينيسترى بەنيامين نەتانياحۋ مەن قورعانىس ءمينيسترى ەحۋد باراك يران اۋماعىنداعى يادرولىق نىساندارعا سوققى بەرۋ ىقتيمالدىعىنا وراي ارميانى جوعارى اسكەري دايىندىققا كەلتىرۋ تۋرالى بۇيرىق بەرگەن. بۇل باستامانى «موسساد» سىرتقى بارلاۋ قىزمەتىنىڭ سول كەزدەگى باسشىسى مەير داگان مەن يزرايل قورعانىس مينيسترلىگىنىڭ سول كەزدەگى شتاب باستىعى گابي اشكەنازي زاڭسىز دەپ اتاپتى. وسىلايشا ەلدىڭ ساياسي جانە اسكەري باسشىلىعى اراسىنداعى ۇستانىم قايشىلىعىنان يرانعا قارسى وپەراتسيا توقتاتىلسا كەرەك.
تاركىلەنگەن كوكاين 1,5 توننا
ۆەنەسۋەلانىڭ ۇلتتىق گۆاردياسى 1,5 توننا كوكاين الىپ كەلە جاتقان جۇك كولىگىن كامپەسكەلەگەن. جەرگىلىكتى بيلىكتىڭ حابارلاۋىنا سايكەس, جۇك كولىگى ەلدىڭ باتىسىنداعى لارا شتاتىندا توقتاتىلعان. كولىكتەگى كوكاين كولۋمبيادا ازىرلەنگەن ەكەن. كولىك جۇرگىزۋشىسى ۆەنەسۋەلا ازاماتى تۇتقىنعا الىنىپتى.
جالپى, ۆەنەسۋەلا ەسىرتكى تاسىمالداۋداعى نەگىزگى وتكەل بولىپ تابىلادى. كولۋمبيا مەن پەرۋدە, سولتۇستىك امەريكادا دايىندالعان ەسىرتكىلەر جەر جۇزىنە وسى ۆەنەسۋەلا ارقىلى تارايدى. وسىعان وراي ۆاشينگتون ۆەنەسۋەلا پرەزيدەنتى ۋگو چاۆەستى ەسىرتكىگە قارسى كۇرەستە اسا بەلسەندىلىك تانىتپاي وتىر دەپ ىلعي ايىپتاپ كەلەدى. بۇل ايىپتاۋلاردىڭ ساياسي استارى دا بار ەكەنى كۇمان تۋعىزبايدى.
ينتەرنەت ماتەريالدارى نەگىزىندە ازىرلەندى.
