- قۇرمەتتى حالقىم! سارىارقا تورىنەن ورىن العان ەلوردامىزدىڭ ءساندى-سالتاناتتى تۇردە قالاعا اينالۋىنا تۇڭعىش پرەزيدەنت نۇرسۇلتان نازارباەۆتىڭ قوسقان ۇلەسى زور,- دەدى قالا اكىمى ەرماك ءسالىموۆ, - كەشەگى ارمان بۇگىن مىنە, اقيقات. ماڭگىلىك ەل بولۋدى اڭسادىق. وعان قول جەتكىزدىك. وزگە ەلدەرمەن تەرەزەسى تەڭ ەلگە اينالۋىمىز دا نۇرسۇلتان ءابىش ۇلىنىڭ ەڭبەگى. پرەزيدەنتىمىز كورەگەن ساياساتىنىڭ ارقاسىندا ۇلت كوشباسشىسى اتاندى. وسى رەتتە ەلباسى نۇرسۇلتان نازارباەۆتىڭ ەسىمىن ماڭگى ساقتاۋ ءۇشىن باستالعان باستاما, ۇسىنىس «نۇر-سۇلتان» اتاۋىن استاناعا بەرىلۋىن تولىق قولدايمىز.
- قازاقستاننىڭ تۇڭعىش پرەزيدەنتى نۇرسۇلتان نازارباەۆ ماڭگىلىك ەلىمىزدىڭ ىرگەتاسىن قالاۋشى, حالقى ءۇشىن باقىتتى عۇمىر, باياندى جول سالا بەرگەن تۇلعا,- دەدى شاكارىم ۋنيۆەرسيتەتىنىڭ پروفەسسورى اراپ ەسپەنبەتوۆ, - بارلىعىمىز ءۇشىن استانا, قازاقستان ۇعىمى ەگىز. سوندىقتان دا ەل بىرلىگى ارتىپ, ەلباسى سالعان دارا دا دانا جولدى جالعاي بەرگەنىمىز ءجون.
سەمەيدەگى سوعىس جانە ەڭبەك ارداگەرلەرى كەڭەسىنىڭ توراعاسى امانتاي دوعالاقوۆتىڭ ايتۋىنشا, تۇڭعىش پرەزيدەنتتىڭ ەڭبەگى زور, ماسەلەن, ونىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا كوپتەگەن ماڭىزدى ماسەلەلەر قوزعالدى. جاستار ءۇشىن «Smart Sity» جانە «IT» سىندى تاعى باسقا دا وقۋ, ءبىلىم بەرۋ سالالارىنداعى جاڭا تەحنولوگيالاردى دەندەپ ەنگىزۋ قاجەتتىگىن ايتۋى بولاشاقتىڭ قامىن ويلاۋى. ء «تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا ايتىلعان ەكونوميكانى وركەندەتۋ تالاپتارىنا وراي ەكونوميكا, قارجى سالاسىنداعى بىلىكتى مامانداردى دايارلاۋدىڭ دا ماڭىزدىلىعى جوعارى تۇراتىنى راس. تاۋەلسىزدىك العان جىلداردان باستاپ, ەكونوميكاعا ەرەكشە ءمان بەرىپ, ىشكى-سىرتقى ساياساتتى ءبىر جولعا قويا بىلگەن نۇرسۇلتان نازارباەۆتىڭ قۇرمەتى ءۇشىن استانا اتاۋى «نۇر-سۇلتان» بولىپ وزگەرگەندىگىن مەن تولىق قوستايمىن, دەدى امانتاي دوعالاقوۆ.
- جاستارعا سەنىم ارتقان ۇلت كوشباسشىسىنىڭ الدىعا قويعان تالاپ-تىلەكتەرىن, ماقسات-مۇراتتارىن ىسكە اسىرۋدا بۇگىنگى ۇرپاق بار بولمىسىمەن, ىنتا-ىقىلاسىمەن ەل ءۇشىن قىزمەت ەتۋگە ءازىر, - دەدى «نۇر وتان» پارتياسى جانىنداعى «جاس وتان» جاستار قاناتىنىڭ سەمەي قالالىق ءبولىمىنىڭ جەتەكشىسى الماس ايتمۇقاش, - وتكەنىمىزدى سارالاي قاراساق, تۇڭعىش پرەزيدەنتتىڭ سىندارلى ساياساتىنىڭ ارقاسىندا قازاقستان تايعاق كەشۋلەردەن سۇرىنبەي ءوتتى.
شارا سوڭىندا اكتسياعا قاتىسۋشى وبلىس اكىمىنىڭ ءبىرىنشى ورىنباسارى ەرلان ايمۇقاشەۆ جينالعاندارعا جىلى لەبىزىن ءبىلدىرىپ, ەل بىرلىگى مەن ىنتىماعى ءۇشىن ەڭبەك ەتە بەرۋگە, ەلباسى جولىن جالعاپ, قوعامدى كوركەيتە تۇسۋگە شاقىردى. جيىن سوڭى كونتسەرتتىك باعدارلاماعا ۇلاستى. قالاداعى ونەر ۇجىمدارى ەرەكشە كوڭىل كۇيمەن اكتسيانى جالعاستىرىپ اكەتتى.
راۋشان نۇعمانبەكوۆا,
«ەgemen Qazaqstan»
سەمەي
