«ساعات 02:30-دار شاماسىندا «قورداي» شەكارا زاستاۆاسىنىڭ اۋماعىندا شەكارا ناريادى تۇندە كورەتىن ءدۇربىنىڭ كومەگىمەن كورشى ەلدەن شەكاراعا قاراي كەلە جاتقان ءبىر ادامدى بايقاعان. زاستاۆادان شىققان دابىل توبى ءتۇن قاراڭعىلىعىن پايدالانىپ, مەملەكەتتىك شەكارانىڭ قورشاۋىنان ءوتىپ, ءبىزدىڭ اۋماققا قاراي ەنە بەرگەن «شاقىرىلماعان قوناقتى» قارسى الدىنان كۇتىپ الدى», دەلىنگەن حابارلامادا.
بەلگىلى بولعانداي, ەشقانداي قۇجاتى جوق ادام ءوزىن 28 جاستاعى قىرعىز رەسپۋبليكاسىنىڭ ازاماتىمىن دەپ تانىستىردى. بۇل تۋرالى قۇقىق قورعاۋ ورىندارىنا حابارلاندى. قازىر تەكسەرۋ شارالارى ءجۇرىپ جاتىر.
