بابالار ارمانداعان ىزگى ءۇمىتتى جالعاپ, حالىقتىڭ ەل بولۋدىڭ الدىنداعى سان كۇدىگىن سەيىلتۋ, تاۋەلسىزدىكتىڭ جارقىن بەينەسىن قالىپتاستىرۋداعى ەلباسىنىڭ ەڭبەگى ۇشان-تەڭىز. ارداقتى ۇلىن ۇلىقتاعان ۇلاعاتتى ۇلتىمىز دا تۇڭعىش باسشىسىنىڭ ەڭبەگىن جوعارى باعالايدى.
قازاقستان حالقى ءۇشىن نۇرسۇلتان ءابىش ۇلى – تۇرىكتەردىڭ اتاتۇركى, ورىستاردىڭ I پەتر, امەريكا جۇرتشىلىعىنىڭ رۋزۆەلتى, ەۆرەي ۇلتىنىڭ بەن گۋريونى, سينگاپۋر حالقىنىڭ لي كۋان يۋ سياقتى قايراتكەرى جانە تۇركى الەمىنىڭ ابىزى.
ءبىز نازارباەۆ باسقارعان مەملەكەتتە ءومىر ءسۇرىپ, جۇمىس ىستەگەنىمىزدى ءاردايىم ماقتان تۇتۋىمىز قاجەت. ونىڭ ايقىن دالەلى ەلىمىزدەگى تاتۋلىق پەن ىنتىماقتىڭ بىرەگەي ۇلگىسىن جاhان جۇرتشىلىعى زەردەلەپ, نازارباەۆ مودەلى دەپ باعا بەردى.
بۇگىندە قازاقستان حالقىنىڭ الدىندا ۇلكەن مىندەتتەر تۇر. الايدا كەمەڭگەر باسشى حالقىنا قىزمەت ەتۋدى جالعاستىرادى, ياعني ەلدەگى جەتەكشى «نۇر وتان» پارتياسىنىڭ توراعاسى, قاۋىپسىزدىك كەڭەسىنىڭ توراعاسى رەتىندە قىزمەت ەتە بەرمەك. بۇل ەلباسىنىڭ حالقىنىڭ تىنىسىمەن بىرگە تىنىستايتىنىن كورسەتەدى.
ساتىبالدى يبراگيموۆ,
قوعام قايراتكەرى
