«بالالىق شاعىمنىڭ اسپانى» ءفيلمىنىڭ تۇساۋكەسەرى
بەيسەنبى, 11 قازان 2012 7:17
قازاقستاننىڭ تۇركياداعى ەلشىلىگىنىڭ تاپسىرىسىمەن تۇرىك تىلىندە دۋبلياج جاسالعان قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ بالالىق جانە جاستىق شاعىن باياندايتىن «بالالىق شاعىمنىڭ اسپانى» ءفيلمىنىڭ تۇساۋكەسەرى ىستامبۇلدا ۇيىمداستىرىلدى.
ءىس-شاراعا تۇركيا مادەنيەت جانە تۋريزم ءمينيسترىنىڭ ورىنباسارى كەمال گەنچ, ىستامبۇل قالاسىنىڭ باسشىلارى, تۇرىك عىلىمي-اكادەميالىق, قوعامدىق جانە بيزنەس توپتارىنىڭ, تۇركياداعى قازاق دياسپوراسىنىڭ, سونداي-اق باق وكىلدەرى قاتىستى.
بەيسەنبى, 11 قازان 2012 7:17
قازاقستاننىڭ تۇركياداعى ەلشىلىگىنىڭ تاپسىرىسىمەن تۇرىك تىلىندە دۋبلياج جاسالعان قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ بالالىق جانە جاستىق شاعىن باياندايتىن «بالالىق شاعىمنىڭ اسپانى» ءفيلمىنىڭ تۇساۋكەسەرى ىستامبۇلدا ۇيىمداستىرىلدى.
ءىس-شاراعا تۇركيا مادەنيەت جانە تۋريزم ءمينيسترىنىڭ ورىنباسارى كەمال گەنچ, ىستامبۇل قالاسىنىڭ باسشىلارى, تۇرىك عىلىمي-اكادەميالىق, قوعامدىق جانە بيزنەس توپتارىنىڭ, تۇركياداعى قازاق دياسپوراسىنىڭ, سونداي-اق باق وكىلدەرى قاتىستى.
اشىلۋ سالتاناتىندا ءسوز سويلەگەن ەيۋپ اۋدانىنىڭ مەرى يسمايل كاۆۋنجۋ قازاقستان-تۇركيا قاتىناستارى 20 جىلدىق كەزەڭ ىشىندە ستراتەگيالىق ارىپتەستىك رۋحىندا دامۋ ۇستىندە ەكەنىنە توقتالدى. ي.كاۆۋنجۋ «قازاقستان پرەزيدەنتى ن.نازارباەۆتىڭ كورەگەن ساياساتىنىڭ ارقاسىندا باۋىرلاس قازاقستان تۇراقتى ساياساتى مەن دامىعان ەكونوميكاسى بار ەلگە اينالدى», دەپ اتاپ كورسەتتى.
ءوز سوزىندە تۇركيانىڭ مادەنيەت جانە تۋريزم ءمينيسترىنىڭ ورىنباسارى كەمال گەنچ قازاقستان مەن تۇركيا اراسىنداعى ءمادەني بايلانىستاردىڭ دامۋ دەڭگەيىن جوعارى باعالاپ, تۇركى الەمىنىڭ ليدەرى نۇرسۇلتان نازارباەۆتىڭ بالالىق جانە جاستىق شاعىن باياندايتىن ءفيلمنىڭ تۇرىك تىلىندە دۋبلياج ارقىلى كورسەتىلۋى تۇرىك كورەرمەندەرىنىڭ كوڭىلىنەن شىعارىنا سەنىم ءبىلدىردى.
قازاقستاننىڭ تۇركياداعى ەلشىسى جانسەيىت تۇيمەباەۆ قازاقستان-تۇركيا قاتىناستارى 20 جىلدىق كەزەڭ ىشىندە ستراتەگيالىق ارىپتەستىك رۋحىندا دامۋ ۇستىندە ەكەنىنە توقتالدى جانە مادەني-گۋمانيتارلىق سالاداعى قاتىناستاردىڭ ەكى باۋىرلاس حالىق اراسىنداعى بايلانىستى نىعايتۋداعى زور ۇلەسىن اتاپ ءوتتى. «بالالىق شاعىمنىڭ اسپانى» ءفيلمى تۇرىك جۇرتشىلىعىنا بالالىق شاعى سۇراپىل سوعىس كەزىمەن تۇسپا-تۇس كەلگەن قازاقستان پرەزيدەنتى نۇرسۇلتان نازارباەۆتىڭ ومىرىمەن جاقىننان تانىس بولۋعا مۇمكىندىك بەرەتىنىن, سونداي-اق ەلشىلىك تاپسىرىسىمەن تۇرىك تىلىنە اۋدارىلعان «قىز جىبەك», «تاقيالى پەرىشتە», «كوشپەندىلەر» جانە «ءبايتەرەك» فيلمدەرىنىڭ دە تۇرىك كورەرمەندەرىن دە اسەر قالدىراتىنىنا سەنىم ءبىلدىردى.
ءراسىم شەڭبەرىندە قازاقتىڭ سالت-ءداستۇرىنە سايكەس بەزەندىرىلگەن كيىز ءۇي قۇرىلىپ, قازاقستان-تۇركيا قاتىناستارىنىڭ 20 جىل ىشىندەگى نەگىزگى كەزەڭدەرى تۋرالى سۋرەتتەر كورمەسى ۇيىمداستىرىلدى.
تۇتاسىمەن العاندا, تۇرىك جۇرتشىلىعى قازاقستان پرەزيدەنتى ن.نازارباەۆتىڭ بالالىق جانە جاستىق شاعىن باياندايتىن «بالالىق شاعىمنىڭ اسپانى» ءفيلمىن وتە جىلى قابىلدادى.
«ەگەمەن-اقپارات».
