21 ناۋرىز، 2019

قازاقستان-يسپانيا ەكونوميكالىق ىنتىماقتاستىق مادريدتە تالقىلاندى

760 رەتكورسەتىلدى

19-20 ناۋرىز ارالىعىندا سىرتقى ىستەر ءمينيسترىنىڭ ورىنباسارى ەرمەك كوشەرباەۆ باستاعان قازاقستان دەلەگاتسياسىنىڭ يسپانياعا جۇمىس ساپارى ءوتتى.

ساپار اياسىندا ە. كوشەرباەۆ يسپانيانىڭ ساۋدا جونىندەگى مەملەكەتتىك حاتشىسى، قازاقستان-يسپان ۇكىمەتارالىق كوميسسياسىنىڭ تەڭ توراعاسى شيانا مەندەس، «Acciona Energy» ەنەرگەتيكالىق كومپانياسىنىڭ پرەزيدەنتى رافاەل ماتەو، يسپاندىق ەكسپورتتاۋشىلار مەن ينۆەستورلار كلۋبىنىڭ مۇشەلەرى، سونداي-اق جەتەكشى يسپان باق وكىلدەرىمەن كەزدەسۋلەر وتكىزدى.

ساپاردىڭ نەگىزگى تارماقتارىنىڭ ءبىرى قازاقستان دەلەگاتسياسىنىڭ قازاقستان-يسپان بيزنەس-فورۋمىنىڭ جۇمىسىنا قاتىسۋى بولىپ، ونىڭ شەڭبەرىندە ەلىمىزدىڭ ينۆەستيتسيالىق مۇمكىندىكتەرى، ەنەرگەتيكا، ونەركاسىپ، اگروونەركاسىپتىك كەشەن، ينفراقۇرىلىم جانە قارجى سالالارىنداعى بىرقاتار جوبالار، سونداي-اق «استانا» حالىقارالىق قارجى ورتالىعىنىڭ مۇمكىندىكتەرى ۇسىنىلدى.

وعان قوسا، بيزنەس-فورۋمنىڭ ناتيجەسى بويىنشا قازاقستاندىق جانە يسپان ىسكەر توپتارىنىڭ بىرقاتار كەزدەسۋلەرى ورىن الدى.

ايتا كەتەرلىك جايت، 2018 جىلى قازاقستان مەن يسپانيا اراسىنداعى تاۋار اينالىمى 2 ملرد. اقش دوللاردان اسىپ، ونىڭ ىشىندە قازاقستاننان يسپانياعا ەكسپورت 1 ملرد. 862 ملن. دوللارىنا جەتسە، يسپانيانىڭ قازاقستانعا يمپورت كولەمى 179،5 ملن. دوللارىن قۇرادى.

سوڭعى جاڭالىقتار

ۇقساس جاڭالىقتار