بۇل ۇسىنىستى قالالىق ءماسليحات دەپۋتاتتارى 20 ناۋرىزدا كەزەكتى وتىرىستا قولدادى.
«بۇگىنگى تاڭدا قازاقستان رەسپۋبليكاسىنىڭ پرەزيدەنتى مىندەتىن اتقارۋشى قاسىم-جومارت توقاەۆ قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ قۇرمەتىنە استانانىڭ اتىن وزگەرتۋدى ۇسىندى. سونداي-اق ءاربىر قالادا كوشەلەردىڭ ءبىرىن نۇرسۇلتان نازارباەۆتىڭ اتىمەن اتاۋ كەرەك ەكەندىگىن ايتتى. وسىعان بايلانىستى مەن ق.ساتباەۆ داڭعىلىن ن.نازارباەۆ داڭعىلىنا اۋىستىرۋدى ۇسىنامىن», دەدى قالالىق مادەنيەت جانە تىلدەردى دامىتۋ ءبولىمىنىڭ باسشىسى اقىلبەك رىسقاليەۆ دەپۋتاتتارعا ۇسىنىس جاساپ.
ءوز كەزەگىندە دەپۋتاتتار داڭعىل اتىن وزگەرتۋ تۋرالى ۇسىنىستى ءبىراۋىزدان قولدادى. سونداي-اق, قالالىق ءماسليحاتتىڭ 36-سەسسياسىنىڭ وتىرىسىندا ازاتتىق داڭعىلىنىڭ اتاۋى اكادەميك ق.ساتباەۆ داڭعىلىنا اۋىستىرۋ تۋرالى ۇسىنىس جاسالدى.
داڭعىل اتاۋىن وزگەرتۋ تۋرالى ۇسىنىس رەسپۋبليكالىق ونوماستيكالىق كوميسسيانىڭ شەشىمىنە سايكەس ەنگىزىلەدى.
باقىتگۇل باباش,
«Egemen Qazaqstan»
اتىراۋ
