بيىل «تۇمار» ۇلتتىق بايقاۋى 9 نوميناتسيا بويىنشا ۇزدىكتەردى انىقتادى.
«ۇزدىك وڭىرلىك تەلەجوبا» اتالىمىندا «قازاقستان - Qyzyljar» تەلەارناسىنىڭ «WELCOME TO QYZYLJAR» جوباسى جەڭىمپاز اتاندى. بۇل جوبا سولتۇستىك قازاقستان ءوڭىرىنىڭ تاريحي-مادەني ورىندارىن تانىستىرادى.
«ۇزدىك الەۋمەتتىك جوبا» جۇلدەسى «استانا» تەلەارناسىنىڭ ء«بىز بىرگەمىز. انا ءۇيى» جوباسىنا بەرىلدى. جوبادا تاعدىردىڭ تالكەگىنە ۇشىراپ, جالعىز قالعان جاس انالاردىڭ شىنايى وقيعالارى جيناقتالعان دەرەكتى فيلمدەر توپتاماسى ۇسىنىلادى.
«ۇزدىك ويىن-ساۋىق جوباسى» نوميناتسياسىندا «نتك» ارناسىندا كورسەتىلگەن «Qara beri» رەاليتي-شوۋى ۇزدىك دەپ تانىلدى. Qara beri» حيپ-حوپ جوباسىندا جاس رەپ ورىنداۋشىلارى «قازاقستاننىڭ ۇزدىك رەپەرى» اتاعى ءۇشىن تالاسقا تۇسەدى. جەڭىمپاز قازاقستانداعى ءىرى ورتالىقپەن كەلىسىمشارت بەكىتەدى.
«ۇزدىك تەلەۆيزيالىق سەريال» اتالىمىندا «كەيكى مەرگەن», «بەسسوننيتسا», «كراسنىي ۋروۆەن» جانە «قارلىعاش ۇيا سالعاندا» تەلەسەريالدارى ۇزددىك تورتىككە ەندى. ناتيجەسىندە كتك تەلەارناسىنىڭ «كراسنىي ۋروۆەن» تەلەسەريالى ماراپاتتالدى.
سونىمەن بىرگە, سيرياعا كەتكەن قازاقستاندىقتاردى قايتارۋ تۋرالى «جۋسان» جوباسى ءۇشىن قازاقستان تەلەراديوكورپوراتسياسىنا «تۇمار» ۇلتتىق تەلەۆيزيالىق بايگەسىنىڭ ارنايى سىيلىعى بەرىلدى.
«ۇزدىك دەرەكتى فيلم» جۇلدەسى قر پرەزيدەنتى تەلەراديوكەشەنى تۇسىرگەن « ۇلى دالا استاناسى» جوباسىنا بەرىلدى. 50 مينۋتتىق فيلم استانانىڭ 20 جىلدىق مەرەيتويىنا ارنايى تۇسىرىلگەن.
