بۇل تۋرالى شەشىمدى قاراعاندى قالالىق ءماسليحاتىنىڭ كەزەكتەن تىس ءحححVى سەسسياسىندا دەپۋتاتتار ءبىراۋىزدان قابىلدادى. ءدال وسى كۇنى وبلىستىق ءماسليحاتتىڭ دا كەزەكتەن تىس سەسسياسى ءوتىپ, دەپۋتاتتار ارىپتەستەرىنىڭ بۇل شەشىمىن ءبىراۋىزدان قولدادى.
– ءبىز, قاراعاندىلىقتار, نۇرسۇلتان نازارباەۆتى جاقسى بىلەمىز جانە ونىڭ ەڭبەك جولىن قاراعاندى جەرىندە باستاعانىن ماقتان ەتەمىز. نۇرسۇلتان نازارباەۆ – وتە كىشىپەيىل ادام, پرەزيدەنت كەزىندە ەسىمىن ۇلىقتاۋعا جول بەرمەدى. ال قازىر ەلباسىنا قۇرمەت كورسەتەر كەز كەلدى. ونىڭ ەسىمىمەن قاراعاندىداعى داڭعىلدى اتاۋ – وتە ورىندى جانە اقىلعا قونىمدى شەشىم دەپ ەسەپتەيمىن, – دەدى ەلباسىنىڭ سەرىكتەسى نيكولاي دريجد.
ايتا كەتەتىن ءبىر جايت, جاڭا اتاۋعا يە بولعان داڭعىلدىڭ بويىندا ەلباسى جوعارى ءبىلىم العان قاراعاندى مەملەكەتتىك تەحنيكالىق ۋنرۆەرسيتەتى ورنالاسقان.
قايرات ءابىلدا,
«ەگەمەن قازاقستان»
قاراعاندى
