بىردە ءبىر ۇلتتىق مەرەكەلەر ونىڭ قاتىسۋىنسىز وتپەيدى. ول تىككەن ەكسكليۋزيۆتى كوستيۋمدەر اينالاعا مەرەكەلىك كوڭىل-كۇي سىيلايدى.
«مەنىڭ ەكى ۇلىم بار, بىردە سولارعا جاڭاجىلدىق كوستيۋمدەر تىكتىم. ءبىراز ۋاقىت وتكەننەن كەيىن تانىستارىم الگى كوستيۋمدەردى جالعا سۇراي باستادى, سودان شاعىن بيزنەسىمنىڭ يدەياسى پايدا بولدى. ال تىگۋ مەنىڭ بالا كەزدەن ارمانىم بولاتىن, مەنىڭ سۇيىكتى اۋەزىم ەدى. بۇل قىزىعۋشىلىعىمدى اجەم دەمەپ وتىردى, كەيىننەن مەنىڭ تىككەن كيىمدەرىمدى ەرەكشە ماقتانىشپەن كيىپ ءجۇردى», - دەپ اعىنان جارىلدى ج.توعاەۆا.
جانار توعاەۆا قامزولدار, ءتىلاشار, تۇساۋ كەسۋ جانە ناۋرىز مەيرامىنا قاجەتتى كوستيۋمدەر تىگەدى. بۇدان باسقا, كەشكى كيىمدەردى ۇلتتىق ناقىشتا جاساي الادى. ويۋ-ورنەكتەردى الدىمەن قاعازدا قيىپ الادى جانە دە ولارى وزىندىك وزگەشەلىكتەرىمەن ادەمى بولىپ شىعادى. بىلايشا ايتقاندا, ديزاينىڭ قيىستىرىپ-اق كەلتىرەدى. تىگۋ مەن پىشىندەۋ تالانتىن ول اجەسىنەن جانە اعاسى – قازاق كسر ەڭبەگى سىڭگەن ساۋلەتشىسى قالدىباي مونتاقاەۆتان مۇراعا قابىلداپ العانداي.
«ەڭ الدىمەن مەن كيىمدى اقشا ەمەس, جان جادىراتۋ ءۇشىن تىگەمىن. تۇرمىستىق اۋىرتپالىقتاردان شارشاعان كەزدە تىگىن بارلىعىن ۇمىتتىرىپ, جۇيكەى تىنىشتاندىرادى جانە راحاتتاندىرادى. بالالار كوستيۋمدەرىن تىگۋدى جانە ولاردى سىيعا تارتقاندى جاقسى كورەمىن. ادامنىڭ جۇزىنەن قۋانىشتىڭ ءىزىن كورۋ – مەن ءۇشىن ەڭ باستىسى», - دەيدى ج.توعاەۆا.
