- راكۋشا اۋىلىنداعى م.وتەمىسوۆ ورتا مەكتەبىنىڭ قۇرىلىسى 2017 جىلدىڭ ماۋسىم ايىندا باستالىپ, 2019 جىلدىڭ ناۋرىزىندا اياقتالدى. بۇل جەرگىلىكتى تۇرعىندار ءۇشىن قۋانىشتى جايت, سەبەبى, وركەن ىقشام اۋدانىنداعى 35 مەكتەپتە اۋىلدىڭ 645 بالاسى وقىپ جاتىر, - دەدى قالالىق ءبىلىم بەرۋ ءبولىمىنىڭ باسشىسىنىڭ ورىنباسارى ەرلان قابدينوۆ.
ەكى قاباتتى جاڭا مەكتەپ 2,5 گەكتار جەردە ورنالاسقان. مۇندا ساپالى ءبىلىم بەرۋگە بارلىق جاعداي جاسالعان: كابينەتتەر جاڭا زاماناۋي جابدىقتارمەن, ينتەراكتيۆتى تاقتامەن جانە كومپيۋتەرمەن جابدىقتالعان. مەكتەپتە كەڭ ء ارى جارىق سىنىپتار, ۇلكەن سپورت زالى, اسحانا, كىتاپحانا جانە مەكتەپكە دەيىنگى جاستاعى بالالاردىڭ جەكە سىنىپتارى بار.
- مەن ءبىزدىڭ قالامىزدىڭ الەۋمەتتىك سالاسىن دامىتۋعا قوسقان زور ۇلەسى ءۇشىن «NCOC» كومپانياسىنىڭ باسشىلىعىنا العىس ايتقىم كەلەدى. وبلىس ورتالىعىنداعى قۇرىلىس ينفراقۇرىلىمى مەن الەۋمەتتىك نىساندارىڭىزدىڭ ارقاسىندا مەكتەپتەر مەن بالاباقشالار تاپشىلىعى ماسەلەسى شەشىلۋدە , - دەيدى اتىراۋ قالاسىنىڭ اكىمى اليمۇحاممەد قۇتتىمۇرات ۇلى.
باقىتگۇل باباش,
«Egemen Qazaqstan»
اتىراۋ
