الدىمەن وبلىس باسشىسى يندۋستريالدى ايماققا ايالدادى. بۇگىندە وندا جالپى قۇنى 3 879,4 ملن. تەڭگە بولاتىن 6 جوبا جۇمىس ىستەپ كەلەدى.
يندۋستريالدى ايماق 2015 جىلى جۇمىسىن باستاعان. نىساننىڭ جەر كولەمى 25 گەكتاردى قۇرايدى. يندۋستريالدى ايماقتى ەلەكتر قۋاتىمەن قامتاماسىز ەتىپ, سۋ قۇبىرلارىن جۇرگىزۋ ءىسى جولعا قويىلعان. كارىز جۇيەسى مەن بايلانىس ورناتۋ ماسەلەسى دە شەشىمىن تاپقان.
ايتا كەتەيىك, كەنتاۋ قالاسىندا 2019-2020 جىلدارى قۇرىلىس, اۋىل شارۋاشىلىعى جانە ەنەرگەتيكا سالالارىنا قاتىستى قوسىمشا 8 ينۆەستيتسيالىق جوبانى جۇزەگە اسىرۋ جوسپارلانعان.
سونداي-اق, ايماق باسشىسى «كەنتاۋ سەرۆيس» مەملەكەتتىك كوممۋنالدىق كاسىپورنىندا دا بولدى. اتالعان مەكەمەنىڭ نەگىزى 1952 جىلى قالاعان. 2011 جىلى قايتا قۇرىلعان كاسىپورىن قالاداعى 334 كوپقاباتتى تۇرعىن ءۇي, 2121 جەكە ءۇي, 374 كوممەرتسيالىق نىسان, 102 بيۋدجەتتىك مەكەمەنى جىلۋ ەنەرگياسىمەن قامتۋمەن اينالىسادى.
جىلۋ ەنەرگياسىن وندىرەتىن مەكەمە 6 قازاندىق, 2 تۋربوگەنەراتورى, 4 دانا قايتا سورۋ قوندىرعىلارىمەن قامتىلعان. وندا 395 مامان جۇمىس ىستەيدى. جالپى قالاداعى ماگيسترالدىق جىلۋ قۇبىرى 38,2 شاقىرىم, ىشكى ورامدىق جىلۋ قۇبىرى 116,8 شاقىرىمدى قۇرايدى.
مەكەمەنىڭ جاي-كۇيىمەن تانىسىپ شىققان وبلىس اكىمى كەلەر جىلى كەنتاۋ قالاسىنداعى جىلۋ قۇبىرلارى مەن قوندىرعىلارىنا تولىعىمەن جوندەۋ جۇمىستارىن جۇرگىزۋ كەرەكتىگىن ايتتى. وسىعان بايلانىستى ساراپتامالىق جۇمىستاردىڭ ناتيجەسىن ناقتىلاۋدى تاپسىردى.
ودان بولەك, وبلىس اكىمى كەنتاۋ قالاسىنداعى كوپقاباتتى تۇرعىن ۇيلەردى جاڭعىرتۋ جۇمىستارىمەن دە تانىستى. جالپى كەنتاۋ قالاسىندا 358 كوپقاباتتى تۇرعىن ءۇي بار. «وڭىرلەردى دامىتۋدىڭ 2020 جىلعا دەيىنگى باعدارلاماسى» اياسىندا بۇگىنگى كۇنگە دەيىن 512 769,0 مىڭ تەڭگەگە 35 كوپقاباتتى تۇرعىن ۇيلەر كۇردەلى جوندەۋدەن وتكەن. قالعان 305 ءۇي كۇردەلى جوندەۋدى قاجەت ەتەدى. 2019-2021 جىلدارى كۇردەلى جوندەۋدەن وتكىزىلەتىن عيماراتتاردىڭ جوسپارى دايىندالىپ, بەكىتىلگەن.
ءوڭىر باسشىسى ءىس ساپارى سوڭىندا «اششىساي سۋ» مكك كارىز سۋ تازالاۋ ستانساسىنىڭ جۇمىسىمەن تانىستى. 1984 جىلى ىسكە قوسىلعان مەكەمە كارىز سۋلارىن مەحانيكالىق جانە تابيعي جولمەن تازالاۋمەن اينالىسادى. 48 گەكتار اۋماقتا كارىز سۋ تازالاۋعا ارنالعان رەشەتكالار, تۇندىرمالاردى تازالايتىن قوندىرعىلار, قۇمۇستاعىش, تۇندىرۋ الاڭدارى ورناتىلعان. قالاداعى كارىز سۋ جۇيەلەرىنىڭ جالپى ۇزىندىعى 97 شاقىرىمدى قۇرايدى.
