سالىق تولەۋشىلەردىڭ 31 210-ى زاڭدى, 58 867-ءسى جەكە تۇلعا بولۋى مۇمكىن. ايتا كەتەيىك, شوب وكىلدەرى قازىناعا سالىق تۇرىندە 340,6 ملرد تەڭگە قارىز. كورسەتىلگەن سوما جىل سوڭىنا دەيىن وتەلەتىن بولسا, كاسىپكەرلەرگە ايىپۇل سالىنبايدى جانە ولار ءوسىمپۇل تولەمەيدى. نەگىزگى قارىزدارىن وتەگەن شوب وكىلدەرىنە مەملەكەتتىك كىرىستەر ورگاندارىنا حابارلاسىپ, ايىپۇل مەن ءوسىمپۇل تولەمەۋ تۋرالى ءوتىنىش جازۋدىڭ قاجەتى جوق.
ايىپۇل مەن ءوسىمپۇل اۆتوماتتى تۇردە جويىلىپ, زاڭ قارىزىن كەيىنگە شەگەرگەن سالىق تولەۋشىلەرگە عانا قولدانىلمايدى. وسىدان ءبىر اپتا بۇرىنعى رەسمي دەرەككە جۇگىنسەك, ەل بويىنشا 33 121 سالىق تولەۋشى 2018 جىلدىڭ 1 قازانىنان بەرگى 7,3 ملرد تەڭگە قارىزىن قايتارعان. مەملەكەت ولاردىڭ 1,6 ملرد تەڭگە ءوسىمپ ۇلى مەن 208 ملن تەڭگە ايىپپ ۇلىن قارىز ەسەبىنەن الىپ تاستايتىن بولدى.
بۇل تۋرالى پرەمەر-ءمينيستردىڭ ءبىرىنشى ورىنباسارى-قارجى ءمينيسترى ءاليحان سمايلوۆ: «سالىق راقىمشىلىعى ەلىمىزدىڭ بيزنەس-كليماتى مەن ىسكەرلىك اتموسفەراسىن جاقسارتۋ جانە شوب وكىلدەرىنە قارىزدارىن قايتارۋ مۇمكىندىگىن بەرۋ ءۇشىن جاسالىپ وتىر. ءبىز كاسىپكەرلەردى قولداۋعا, ولارعا جاعداي جاساۋعا ءتيىسپىز. سەبەبى ولار قازىنا قارجىسىن ەسەلەپ وتىرادى», – دەدى.
قازىرگى ۋاقىتتا بيزنەستى جانە ساۋدا قىزمەتىن قولداۋ تۋرالى زاڭ پارلامەنتتە قارالۋدا.
«بيزنەستىڭ جول كارتاسى – 2020» باعدارلاماسى 2025 جىلعا دەيىن ۇزارتىلدى. 2019 جىلعى قاڭتاردا شاعىن جانە ورتا بيزنەسكە سالىقتىق راقىمشىلىق جاسالادى.
وڭدەۋشى ونەركاسىپتى جانە شيكىزاتتىق ەمەس سەكتوردى قولداۋعا, ۇلتتىق ۆاليۋتانىڭ ۇزاق مەرزىمدى وتىمدىلىگىن ۇسىنۋعا, اگرارلىق سەكتوردى دامىتۋعا جانە اۋىل شارۋاشىلىعى ونىمدەرىنىڭ ەكسپورتىن ارتتىرۋعا قاراجات ءبولىندى.
2019-2021 جىلدار ارالىعىندا بيزنەستى قولداۋ مىندەتتەرىنە 938 ملرد تەڭگە, اگروونەركاسىپ كەشەنىن دامىتۋعا – 300 ملرد تەڭگە, وڭدەۋ سالاسىن دامىتۋعا – 190 ملرد تەڭگە, شوب دامىتۋعا – 90 ملرد تەڭگە جانە جالعا بەرىلەتىن تۇرعىن ءۇي قۇرىلىسىنا – 30 ملرد تەڭگە ءبولۋ جوسپارلانۋدا.
گۇلبارشىن ساباەۆا,
«ەگەمەن قازاقستان»
الماتى
