پرەمەر-مينيستر كوز جۇمدى
سارسەنبى, 22 تامىز 2012 7:32
ەلدى 20 جىلدان استام باسقارعان ەفيوپيانىڭ پرەمەر-ءمينيسترى مەلەس زەناۆي قايتىس بولدى. «فرانس-پرەسس» اقپارات اگەنتتىگىنىڭ حابارلاۋىنشا, ول شەت ەلدە ەمدەلىپ جاتقاندا ومىردەن وزعان.
پرەمەر-مينيستر 21 تامىزعا قاراعان ءتۇنى قايتىس بولسا كەرەك. 57 جاستاعى ساياساتكەردىڭ قانداي اۋرۋمەن اۋىراتىندىعى جونىندە ناقتى اقپارات جوق. دەرەك كوزدەرىنە قاراعاندا, م.زەناۆي ەكى ايدان بەرى حالىق الدىنا شىقپاعان. ول بريۋسسەلدە ەمدەلىپ جاتقان كورىنەدى. ەفيوپيانىڭ كونستيتۋتسياسىنا سايكەس, ەندى مينيسترلەر كابينەتىن ۋاقىتشا باسقارۋ ۆيتسە-پرەمەر حايلە ماريام دەزالەينگە جۇكتەلەدى.
سارسەنبى, 22 تامىز 2012 7:32
ەلدى 20 جىلدان استام باسقارعان ەفيوپيانىڭ پرەمەر-ءمينيسترى مەلەس زەناۆي قايتىس بولدى. «فرانس-پرەسس» اقپارات اگەنتتىگىنىڭ حابارلاۋىنشا, ول شەت ەلدە ەمدەلىپ جاتقاندا ومىردەن وزعان.
پرەمەر-مينيستر 21 تامىزعا قاراعان ءتۇنى قايتىس بولسا كەرەك. 57 جاستاعى ساياساتكەردىڭ قانداي اۋرۋمەن اۋىراتىندىعى جونىندە ناقتى اقپارات جوق. دەرەك كوزدەرىنە قاراعاندا, م.زەناۆي ەكى ايدان بەرى حالىق الدىنا شىقپاعان. ول بريۋسسەلدە ەمدەلىپ جاتقان كورىنەدى. ەفيوپيانىڭ كونستيتۋتسياسىنا سايكەس, ەندى مينيسترلەر كابينەتىن ۋاقىتشا باسقارۋ ۆيتسە-پرەمەر حايلە ماريام دەزالەينگە جۇكتەلەدى.
ءبىراز قارجىسىن تۇتقىندادى
اقش بيلىگى «حيزباللا» ليۆاندىق يسلام قوزعالىسىنىڭ جىلىستاتۋ سيپاتىنداعى 150 ميلليون دوللار بولاتىن قارجىسىن تۇتقىنداعانىن مالىمدەدى. بۇل ماسەلەدە ليۆاندىق-كانادالىق بانك نەگىزگى ءرول ويناعان سياقتى.
2011 جىلدىڭ اقپانىندا امەريكالىق قارجى قىلمىسىمەن كۇرەس جونىندەگى بيۋروسى اتالعان بانككە ءوزىنىڭ قىزمەتىن اقش-تىڭ قارجى جۇيەسىندە جۇزەگە اسىرۋعا تىيىم سالعان ەدى. ال وتكەن جىلدىڭ جەلتوقسانىندا نيۋ-يوركتىڭ فەدەرالدىق سوتى «حيزباللا» قوزعالىسىن ەسىرتكى ساتۋدان جانە باسقا دا قىلمىستاردان تۇسكەن قارجىنى بانكتەر ارقىلى جىلىستاتتى دەپ ايىپتادى. كەيبىر مالىمەتتەر بويىنشا, ولار 2007-2011 جىلدار ارالىعىندا وسى ۇلگىمەن 329 ميلليون دوللار اۋدارعان.
سوت شەشىمىن سىنعا الدى
رەسەي پرەزيدەنتى جانىنداعى ادام قۇقىعى جونىندەگى كەڭەستىڭ باسشىسى ميحايل فەدوتوۆ «Pussy Riot» توبىنا قاتىستى شىعارىلعان شەشىمدى سىنادى.
«ينتەرفاكس» اگەنتتىگىنە بەرگەن سۇحباتىندا ول سوت شەشىمىن «قاتەلىك» دەپ مالىمدەدى. فەدوتوۆ, سونداي-اق بۇل قاتەلىكتى جوعارعى سوت ينستانتسياسى تۇزەتەدى دەگەن ۇمىتتە ەكەنىن دە ايتقان. سۇحباتىندا ول مۇنداي ارەكەت ىستەگەندەرگە 1845 جانە 1885 جىلداردىڭ وزىندە ەكى جىل ەمەس, 3 ايدان 8 ايعا دەيىنگى مەرزىم بەلگىلەنگەنىن مىسالعا كەلتىرىپتى. ايتا كەتەيىك, اتالعان توپتىڭ ءۇش ءانشىسى شىركەۋدە كەلەمەجدىك سيپاتتاعى ءان ايتقانى ءۇشىن ارقايسىسى 2 جىل مەرزىمگە سوتتالعان بولاتىن.
كوپپارتيالى جۇيەگە كوشپەك
كەشە اشگابادتا تۇركىمەن ونەركاسىپشىلەرى مەن كاسىپكەرلەرى پارتياسىنىڭ قۇرىلتاي سەزى جۇمىسىن باستادى. جەرگىلىكتى باسىلىمداردىڭ جازۋىنشا, سەزد جۇمىسىنا 300 دەلەگات قاتىسۋدا.
قۇرىلتايدا پارتيانىڭ جارعىسى بەكىتىلىپ, باسشىلىق قۇرامى سايلانادى. ەگەر پارتيا تىركەۋدەن وتەتىن بولسا, ەڭدىگى, ەكىنشى ساياسي پارتيا بولماق. بۇگىندە بۇل رەسپۋبليكادا تەك ءبىر عانا پارتيا – دەموكراتيالىق پارتياسى جۇمىس ىستەپ كەلدى. وسىلايشا, تۇركىمەنستان كوپپارتيالى جۇيەگە كوشۋگە نيەتتەنىپ وتىر. جاڭادان قۇرىلاتىن پارتياعا مەملەكەت باسشىسىنىڭ جاقىن دوسى الەكساندر داداەۆ جەتەكشىلىك ەتەتىن كورىنەدى.
قوعام قارسىلىعىن تۋدىردى
گەرمانيا بيلىگى ەلدىڭ بۇرىنعى پرەزيدەنتتەرىنىڭ زەينەتاقىسىن كوتەرۋ جونىندە شەشىم قابىلدادى. ول 2013 جىلعى بيۋدجەت جوسپارىنا ەنگىزىلمەك. بىراق, بۇل نەمىس قوعامىنىڭ قارسىلىعىن تۋدىرىپ وتىر.
ەگەر بۇرىنعى پرەزيدەنتتەردىڭ زەينەتاقىسى وسىرىلگەن جاعدايدا, ولارعا قوسىمشا 18 مىڭ ەۋرودان قوسىلادى ەكەن. سوندا بۇرىنعى مەملەكەت باسشىلارى جىلىنا 217 مىڭ ەۋرو زەينەتاقى الاتىن بولادى. ليبەرالدىق پارتيانىڭ مۇشەسى, بيۋدجەت ساياساتى جونىندەگى ساراپشى يۋرگەن كوپپەلين جەمقورلىققا بايلانىستى ايىپ تاعىلىپ, وتستاۆكاعا كەتكەن ەكس-پرەزيدەنت ك.ۆۋلفقا, قازىرگى كەزدە كوزى ءتىرى بۇرىنعى پرەزيدەنتتەرگە زەينەتاقىعا قوسىلاتىن قوسىمشادان باس تارتۋدى ۇسىندى.
كوتەرىلىسشىلەر كىمدەر؟
الەمدەگى بىرقاتار ەلدەردەگى راديكالدى يسلامشىلار سيريالىق كوتەرىلىسشىلەرگە كومەكتەسۋ ءۇشىن الەپپوعا كەلگەن سياقتى. بۇل جونىندە اۆستراليالىق اۆس راديوسى حابارلادى.
«گارديان» باسىلىمىنىڭ ءتىلشىسى مارتين چۋلوۆتىڭ ايتۋىنشا, سيريادا قاقتىعىس باستالعان 18 ايدان بەرى جاقسى دايارلىقتان وتكەن قارۋلى سودىرلاردى ءوز كوزىمەن كورگەن. ولاردىڭ كوپشىلىگى ساۋد ارابياسى, سەنەگال, پاكستان, الجير, سونداي-اق, وزبەكستان مەن چەشەنستاننان كەلگەندەر كورىنەدى. ولاردىڭ بارلىعى بىردەن مايدان شەبىنە جىبەرىلگەن.
قىسقا قايىرىپ ايتقاندا:
*ينگۋشەتيا پرەزيدەنتى يۋ.ەۆكۋروۆ پوليتسيا قىزمەتكەرى ي.كوريگوۆتى جەرلەۋ كەزىندەگى جارىلىستى ۇيىمداستىرعان تەررورشىلار جەتەكشىسى دوكۋ ۋماروۆ ەكەنىن مالىمدەدى.
* سولتۇستىك كورەيانىڭ «ەكونوميكالىق زەرتتەۋلەر» جۋرنالىندا سوتسياليستىك مەملەكەتتە ەڭبەكشىلەر تابىسىنىڭ دەڭگەيى جاپپاي تۇتىناتىن تاۋارلار باعاسىمەن سايكەس بولۋى قاجەتتىگى جونىندە ماقالا جاريالاندى. بۇل, ەڭبەكاقى كوبەيتىلەدى دەگەندى بىلدىرەدى.
* ۋكراينانىڭ نيكولاەۆ قالالىق كەڭەسى ورىس تىلىنە وڭىرلىك مارتەبە بەرۋماسەلەسىن قارادى. تىركەلگەن 68 دەپۋتاتتىڭ 60-سى جاقتاپ داۋىس بەردى.ونىڭ سوڭى جاپپاي توبەلەسكە ۇلاستى.
*بۇۇ باس حاتشىسى پان گي مۋن يران پرەزيدەنتى م.احمادينەجاد پەن ەلدىڭجوعارعى كوسەمى ا.حامەنەيدى يزرايلگە قارسى پىكىر بىلدىرگەندەرى ءۇشىنسىنعا الدى.
ينتەرنەت ماتەريالدارى نەگىزىندە ازىرلەندى.
