قازاقستان • 19 ناۋرىز، 2019

بازالىق لاۋازىمدىق قىزمەتاقىنى كەزەڭىمەن ءوسىرۋ قاجەت – ب.ءابدىرايىم

862 رەتكورسەتىلدى

قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ب.ءابدىرايىم  ۇكىمەت وتىرىسىندا بازالىق لاۋازىمدىق قىزمەتاقىنى كەزەڭىمەن ءوسىرۋدى ۇسىندى.

«ەڭبەك كودەكسىنە سايكەس، ۇجىمدىق شارت – جۇمىسشىلاردىڭ مۇددەسىن قورعايتىن جانە الەۋمەتتىك ادىلدىك قاعيدالارىن ساقتاۋدىڭ نەگىزگى قۇرالى. 

بۇگىنگى تاڭدا  ەلىمىز بويىنشا كاسىپورىندار مەن ۇيىمداردىڭ نەبارى 40 % عانا ۇجىمدىق شارتتارمەن قامتىلعان. الايدا سوڭعى ۋاقىتتا كەيبىر وڭىرلەردەن ۇجىمدىق شارتتار سانىنىڭ ءوسۋ ديناميكاسى بايقالادى. مۇنى ءبىر عانا الماتى قالاسىنان كورۋگە بولادى.  مۇندا وتكەن جىلى عانا بەكىتىلگەن شارتتاردىڭ ۇلەسى 4-تەن 19 پايىزعا ارتتى»، دەپ اتاپ ءوتتى «ەڭبەك قاتىناستارىن رەتتەۋ جونىندەگى شارالار تۋرالى» ماسەلەسى بويىنشا ۇكىمەت وتىرىسىندا ءسوز سويلەگەن ب.ءابدىرايىم.

سونداي-اق ب.ءابدىرايىم كاسىپورىن باسشىلارىن، بيزنەس-قاۋىمداستىقتى، جەرگىلىكتى اتقارۋ ورگاندارىن جالاقىسى تومەن قىزمەتكەرلەردىڭ ەڭبەكاقىلارىن ساتىلى تۇردە ارتتىرۋعا شاقىردى. 

«مەملەكەت باسشىسىنىڭ تاپسىرمالارىنا ساي سوڭعى جارتىجىلدىقتا ەڭبەكاقىنى ارتتىرۋعا قاتىستى شەشىم ەكى رەت قابىلداندى. اتاپ ايتقاندا، 2019 جىلدان باستاپ ەڭ تومەنگى جالاقى مولشەرى 1،5 ەسەگە  ارتتى، ال اعىمداعى جىلعى شىلدە ايىنان باستاپ بيۋدجەت سالاسى قىزمەتكەرلەرىنىڭ ەڭبەكاقىسى وسەدى. سولاي بولا تۇرا، اۋىل، ورمان شارۋاشىلىعىندا جانە باسقا دا بىرقاتار سالادا جۇمىسشىلاردىڭ ەڭبەكاقىسى ءالى دە تومەن.

قازىر ۇكىمەت بيۋدجەت سالاسىنداعى تابىس دەڭگەيىن ارتتىرۋدى قولعا الىپ جاتىر. وسى رەتتە ءبىز حالىقتىڭ ءال-اۋقاتىنىڭ الەۋمەتتىك ستاندارتتارىن ارتتىرۋعا قاتىستى ەلباسى قويعان مىندەتتەردى ەسكەرە وتىرىپ، ۇكىمەتكە بيۋدجەت سالاسىنداعى بازالىق لاۋازىمدىق قىزمەتاقىنى ەڭ تومەنگى جالاقىعا كەزەڭىمەن اۋىستىرۋ مۇمكىندىگىن قاراستىرۋدى ۇسىنامىز»، دەدى كاسىپوداقتار فەدەراتسياسىنىڭ توراعاسى.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار