ونەر • 19 ناۋرىز، 2019

«استانا بالەت» تەاترىندا شارا جيەنقۇلوۆا اتىنداعى V رەسپۋبليكالىق قازاق ءبيى بايقاۋى وتەدى

961 رەتكورسەتىلدى

2019 جىلدىڭ 27-29 ناۋرىز ارالىعىندا «استانا بالەت» تەاترىندا شارا جيەنقۇلوۆا اتىنداعى V رەسپۋبليكالىق قازاق ءبيى بايقاۋى وتەدى. ءداستۇرلى بايقاۋ قازاق ەسترادالىق جانە حالىقتىق بي سالاسىنداعى تالانتتى بيشىلەردى، بالەتمەيستەرلەر مەن پەداگوگتاردى انىقتاۋ ماقساتىندا ۇيىمداستىرىلدى. 

V مەرەيتويلىق بايقاۋعا قازاقستاننىڭ ءار ايماعىنان 150-دەن استام قاتىسۋشى كەلەدى. وسى جىلى بايقاۋ كاسىبي ۇجىمدار، جوعارى وقۋ ورىندارىنىڭ حورەوگرافيا فاكۋلتەتتەرى مەن كافەدرالارىنىڭ انسامبلدەرى اراسىندا وتەدى.

بايقاۋ باعدارلاماسى ايماقتىق انسامبلدەردىڭ رەپەرتۋارىمەن، حورەوگرافتاردىڭ جاڭا ىزدەنىستەرىمەن تانىسۋعا، جارقىن ورىنداۋشىلاردى انىقتاۋعا، قاتىسۋشىلارعا قازاق ءبيى سالاسىنداعى شىعارماشىلىق جەتىستىكتەرىمەن، كاسىبي تاجىريبەمەن جانە بىلىممەن ءوزارا الماسۋعا مۇمكىندىك بەرەدى.

ءۇش كۇنگە سوزىلاتىن بايقاۋدا قاتىسۋشىلار ءۇشىن قازاق ءبيىنىڭ جەتەكشى پەداگوگتارىنىڭ شەبەرلىك سىنىپتارى، «قازاق ءبيى» دەرەكتى ءفيلمى، قازاق كسر ەڭبەك سىڭىرگەن ءارتىسى، پروفەسسور تويعان ءىزىمنىڭ جەكە كوللەكتسياسىنان ساحنالىق كوستيۋمدەر كورمەسى جانە قازاق ۇلتتىق حورەوگرافيا اكادەمياسىنىڭ قازاق ءبيى زەرتحاناسىنىڭ تۇساۋكەسەرى وتەدى.

جەڭىمپازدار 29 ناۋرىز كۇنى «استانا بالەت» تەاترىندا وتەتىن گالا-كونتسەرتتە جاريالانادى.  

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار