ءداستۇرلى تۇردە وتەتىن بۇل شارانىڭ ماقساتى – ىشكى ىستەر ورگاندارىنا ەندى عانا قابىلدانعان جاس قىزمەتكەرلەرىن, دەپارتامەنتتىڭ جەكە قۇرامىن وتانسۇيگىشتىككە, پاتريوتتىق ونەگە تاربيەلەۋ بولىپ تابىلادى.
سالتاناتتى شاراعا ىشكى ىستەر ورگانىنا جاقىندا قابىلدانعان 60-قا جۋىق جاس قىزمەتكەر, ولاردىڭ تالىمگەرلەرى جانە جاس قىزمەتكەرلەردىڭ اتا-انالارى قاتىستى. قىزىلوردا وپد-مەن قاتار شاراعا وبلىستاعى بارلىق اۋداندىق ىشكى ىستەر بولىمدەرى, قىزىلوردا قپب جانە مامانداندىرىلعان كۇزەت قىزمەتى باسقارماسى مەملەكەتتىك مەكەمەسى, ءىىو ارداگەرلەرى, قىزىلوردا وبلىسى بويىنشا قىلمىستىق اتقارۋ جۇيەسى دەپارتامەنتى قىزمەتكەرلەرى دە اتسالىستى.
جيىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى باسشىسىنىڭ ورىنباسارى بەرىكبول بايحوجاەۆ بايانداما وقىدى. سونىمەن قاتار قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ تاريح فاكۋلتەتىنىڭ اعا وقىتۋشىسى ساياسي عىلىمداردىڭ كانديداتى ساۋلەت ساحيەۆ ەلباسىنىڭ «بولاشاققا باعدار, رۋحاني جاڭعىرۋ» باعدارلاماسى جانە جولداۋى بويىنشا بايانداما جاسادى.
شارا كەزىندە جاس قىزمەتكەرلەردىڭ اراسىندا «دينامو» دشسق تيرىندە ءار ءبولىنىستىڭ جاس ماماندارى مەن تالىمگەرلەرى اراسىندا سايىس ءوتىپ, جەڭىمپازدار ماراپاتتالدى.
قاتىسۋشىلارعا دەپارتامەنت قىزمەتكەرلەرىنىڭ كۇشىمەن دايىندالعان قارۋ-جاراق كورمەسى جانە وقىتۋ-ۇيرەتۋ بەينەروليگى كورسەتىلدى.
مەرەكەلىك شارا سوڭىندا سلەتكە قاتىسۋشىلارعا دەپارتامەنتتىڭ جەدەل جوسپارلاۋ ورتالىعىنىڭ جۇمىسى, دەپارتامەنتتىڭ مۇراجايى جانە «112» ديسپەتچەرلىك قىزمەتى تانىستىرىلدى. سونىمەن قاتار قىزمەت بابىندا قازا بولعان پوليتسيا قىزمەتكەرلەرىن ەسكە الىپ, ەسكەرتكىشكە گۇل شوقتارى قويىلدى.
