ونىڭ جارقىن مىسالىن وتكەن جىلى الاكول, قاراساي, تالعار اۋداندارىندا اشىلعان 3 بىردەي امبەباپ دەنە شىنىقتىرۋ-ساۋىقتىرۋ كەشەنىنىڭ پايدالانۋعا بەرىلۋىنەن بايقاۋ بولادى. ال بيىل بۇل جۇمىس جەمىستى جالعاسۋدا. جالپى جەتىسۋ وڭىرىندە 2022 جىلعا قاراي بارلىق اۋدان ورتالىقتارى مەن ءىرى ەلدى مەكەندەردە دەنە شىنىقتىرۋ-ساۋىقتىرۋ كەشەندەرى ىسكە قوسىلاتىن بولادى.
قازىر الماتى وبلىسىنىڭ قاراساي اۋدانىندا ەكى دەنە شىنىقتىرۋ-ساۋىقتىرۋ كەشەنىنىڭ قۇرىلىسى ءجۇرىپ جاتىر. اۋماعى 3660 شارشى مەتردى الىپ جاتقان زاماناۋي نىساننىڭ ءبىرى رايىمبەك اۋىلدىق وكرۋىگىندە سالىنۋدا. ەكى قاباتتان تۇراتىن عيماراتتا بوكس پەن كۇرەسكە ارنالعان جاتتىعۋ الاڭى, ۆولەيبول, باسكەتبول, گاندبول جانە مينيفۋتبول زالىنان بولەك كيىم اۋىستىرىپ, جۋىناتىن بولمە ورنالاسپاق.سونداي-اق, كەلۋشىلەرگە قىزمەت كورسەتەتىن ساۋنا, ماسساج بولمەسى, بيليارد زالى مەن 60 ادامعا لايىقتالعان كافەتەري سياقتى قوسىمشا ورىن دا اشىلماق. اۋىل تۇرعىندارىنىڭ سپورتپەن شۇعىلدانىپ, دەمالىسىن كوڭىلدى وتكىزۋگە سەپ بولاتىن ساۋىقتىرۋ كەشەنىنىندە ءتۇرلى جارىس وتكىزۋگە ارنالعان الاڭ مەن 300 ادام سياتىن كورەرمەن تريبۋناسى دا بار.
ال شامالعان اۋىلىندا بوي كوتەرگەن ەكىنشى دەنە شىنىقتىرۋ-ساۋىقتىرۋ كەشەنىنىڭ اۋماعى 7300 شارشى مەتر ەكەن. نىسان 6 بلوكتان تۇرادى. ۆولەيبول, باسكەتبول, گاندبول جانە مينيفۋتبولعا ارنالعان امبەباپ زالدا جارىس تاماشالاۋ ءۇشىن 300 ورىندىق جەكە تريبۋنا بولادى. شىعىس جەكپە-جەگى, بوكس, كۇرەس سياقتى سپورت تۇرلەرىنە ارنالعان جاتتىعۋ زالىنا جاپسارلاس 160 ادامدىق كورەرمەن زالى بولەك سالىنۋدا. ءجۇزۋ باسسەينىنە دە سۇرانىس كوپ بولاتىن ءتۇرى بار. بۇل كەشەن ءبىر مەزگىلدە 300 ادامنىڭ سپورتپەن شۇعىلدانۋىنا مۇمكىندىك بەرمەك.
جالپى, بيىل جىل سوڭىنا دەيىن قاراساي ولكەسىنەن بولەك اقسۋ, كوكسۋ, كەگەن, رايىمبەك اۋداندارى مەن قاپشاعاي قالاسىندا دا دەنە شىنىقتىرۋ-ساۋىقتىرۋ كەشەنى سالىنىپ ءبىتىپ, ىسكە قوسىلماق. قىزۋ جالعاسقان قۇرىلىستىڭ تورتەۋى مەملەكەت پەن جەكەمەنشىك ارىپتەستىگىنىڭ نەگىزىندە باستالعان ەكەن.
قالماحانبەت مۇقامەتقالي,
«Egemen Qazaqstan»
الماتى وبلىسى
