حابتى ارالاۋ بارىسىندا ا. مامين ستارتاپ-جوبالاردىڭ, «شەبەرحانا» پروتوتيپتەۋ زەرتحاناسىنىڭ, R&D زەرتحاناسىنىڭ وكىلدەرىمەن, بيزنەس پەرىشتەلەر كلۋبىنىڭ ينۆەستورلارىمەن جانە وكىلدەرىمەن كەزدەستى.
تسيفرلىق تەحنولوگيالاردى ەنگىزۋ جونىندە جۇمىس كەڭەسى ءوتتى. قازاقستاندا تسيفرلىق تەحنولوگيالاردى دامىتۋ بويىنشا قابىلدانىپ جاتقان شارالار تۋرالى تسيفرلىق دامۋ, قورعانىس جانە اەروعارىش ونەركاسىبى ءمينيسترى ا. جۇماعاليەۆ, «زەردە» باسقارما توراعاسى ە. دۇرماعامبەتوۆ باياندادى. بۇگىندە Astana Hub حاب قاتىسۋشىلارى ءۇشىن جەڭىلدىكتى سالىق رەجيمىن, سونداي-اق شەتەلدىك قاتىسۋشىلار ءۇشىن ۆيزا الۋدىڭ جەڭىلدەتىلگەن ءۇردىسىن ۇسىنىپ وتىرعان سۇيەمەلدەۋشىگە اينالدى. تەحنوپاركتە 150 ستارتاپ, ياعني 500-دەن اسا كاسىپكەر ءوز جوبالارىن دامىتىپ وتىر.
پرەمەر-مينيستر ماسەلەنى تالقىلاۋ قورىتىندىسى بويىنشا تسيفرلىق دامۋ, قورعانىس جانە اەروعارىش ونەركاسىبى, ۇلتتىق ەكونوميكا, يندۋستريا جانە ينفراقۇرىلىمدىق دامۋ مينيسترلىكتەرىنە الدىڭعى قاتارلى تسيفرلىق تەحنولوگيالاردى ەنگىزۋدى جانداندىرۋ, كاسىپكەرلىكتى دامىتۋ بويىنشا جۇزەگە اسىرىلىپ جاتقان مەملەكەتتىك باعدارلامالارمەن ستارتاپ جوبالاردىڭ قوسا دامۋىن قامتاماسىز ەتۋ بويىنشا بىرقاتار ناقتى تاپسىرما بەردى.
ەكسپو كورمەسىنىڭ اۋماعىن ارالاۋ بارىسىندا ا. مامين, سونداي-اق, كورمە ورتالىعىنىڭ, ات-ۋنيۆەرسيتەت عيماراتىنىڭ قۇرىلىس جانە رەكونسترۋكتسيالاۋ جۇمىستارىمەن تانىستى. بۇدان وزگە, پرەمەر-مينيسترگە Seed Space Astana قالالىق يننوۆاتسيالىق الاڭى تانىستىرىلدى. ا. مامين سونىمەن قاتار حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنا باردى, سونىمەن قاتار استانا حالىقارالىق قارجى ورتالىعىن دامىتۋ جونىندە كەڭەس وتكىزدى.
