اۋىر اتلەتيكا • 13 ناۋرىز، 2019

اقش-تا چەمپيون اتانعان اقمولدا سايرامكەز الەمدىك دودانى قورىتىندىلادى

877 رەتكورسەتىلدى

اۋىر اتلەتيكادان اقش-تىڭ لاس-ۆەگاس قالاسىندا ءوتىپ جاتقان جاسوسپىرىمدەر اراسىنداعى الەم چەمپيوناتى قازاق جانكۇيەرلەرىنىڭ ەڭسەسىن ءبىر كوتەرىپ تاستادى. الەمدىك دودادان قازاقستان سپورتشىلارى ازىرگە ءۇش التىن جەڭىپ الدى. ال ەڭ ءبىرىنشى بولىپ ەلىمىزدىڭ ءانۇرانىن اقش تورىندە ويناتقان جاس سپورتشى اقمولدا سايرامكەز بولاتىن. Olympic.kz سايتىنا سۇحبات بەرگەن اقمولدا جەر جۇزىلىك جارىستا تۇعىر بيىگىنەن كورىنۋدى مۇلدە ويلاماعانىن ايتادى. 

اقمولدا سايرامكەز نەبارى 16 جاستا. ول الماتى وبلىسى، اقسۋ اۋدانى، ماتاي اۋىلىندا دۇنيەگە كەلگەن. ءبىر جىل بويى ەش جارىسقا قاتىسپاي، تىنىمسىز دايىندالعان جاس اتلەت الىس امەريكادا قازاقستاننىڭ كوك تۋىن جەلبىرەتتى. 

«سىزگە شىنىمدى ايتايىن، التىن مەدال الامىن دەپ ويلاعان ەمەسپىن. وسىنىڭ الدىندا تايلاندتاعى الەمدىك سىنعا قاتىسىپ، قۇر قول قايتقان ەدىم. ونىڭ ۇستىنە، الىس ەلگە ساپار شەگىپ، ءىرى دوداعا ءتۇسىپ جاتقاسىن، ازداعان قوبالجۋ بولدى. سوندىقتان، العاشىندا ءوز كۇشىمە سەنبەي، جارىسقا قاتىسۋدىڭ ءوزىن مارتەبە كوردىم. قۋانىشقا قاراي، باپكەرلەر مەن اتا-انامنىڭ سەنىمىن اقتاپ، جانكۇيەرلەردى قۋانتىپ، چەمپيون اتاندىم»، - دەيدى اقمولدا. 

اقمولدا جاسوسپىرىمدەر اراسىنداعى قازاقستان چەمپيوناتىندا بىرنەشە رەت توپ جارعان. اۋىر اتلەتيكامەن 13 جاسىنان بەرى اينالىسىپ كەلەدى. ال جاسوسپىرىمدەر قۇراماسىنا 2015 جىلى قابىلدانعان. 

«زىلتەمىر ساحناسىنا شىعاردا باپكەرىمىز باقىت احمەتوۆ ۇلكەن قولداۋ كورسەتتى. جاتتىقتىرۋشى بارلىعىن تەرەڭنەن كورەدى ەمەس پە؟! زىلتەمىر كوتەرۋگە اتتاناردا: «وزىڭە سەن. قولىڭنان كەلەدى. كوتەرەسىڭ!»،  - دەپ رۋحتاندىرادى. باستى قارسىلاستارىم تۇركيا مەن ۆەتنام سپورتشىسىنان وزىپ، جەڭىسكە جەتكەنىمدە، قۋانىشىمدا شەك بولمادى. بۇل جەڭىسىمدى بارشا جانكۇيەرلەرگە ارنايمىن»، - دەدى سپورتشى.

اقمولدا سايرامكەزدىڭ ەندىگى ارمانى – ەرەسەكتەر قۇراماسىنا ءوتىپ، ءىرى باسەكەلەردە ەلىمىزدىڭ اتىن اسقاقتاتۋ. 

ەسكە سالا كەتەيىك، لاس-ۆەگاستا ءوتىپ جاتقان جاسوسپىرىمدەر اراسىنداعى الەم چەمپيوناتىندا قازاقستاندىق اۋىر اتلەتتەر ءۇش التىن مەدال جەڭىپ الدى. 

61 كەلىدەگى اقمولدا سايرامكەز، 67 كەلىدەگى سايحان تايسۋەۆ جانە 81 كەلىدەگى ساپي ەسەنگەلدى التىننان القا تاقتى. 

جاسوسپىرىمدەر قۇراماسىنىڭ باپكەرى - باقىت احمەتوۆ. 

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار