وسى ارقىلى «قازاقستاننىڭ كيبەرقالقانى» تۇجىرىمداماسىن جۇزەگە اسىرۋعا تاعى ءبىر قادام جاسالدى.
جيىن بارىسىندا ءسوز العان «ۇلتتىق اقپاراتتىق تەحنولوگيالار» كومپانياسى باسقارما توراعاسى اسەت تۇرىسوۆ «جەدەل ورتالىق قۇرۋ ەلدىڭ ۇلتتىق تسيفرلىق كەڭىستىگىنىڭ كيبەرقاۋىپسىزدىگىن قامتاماسىز ەتۋگە كەشەندى ءتاسىلدى قالىپتاستىرۋعا ىقپال ەتەتىن بولادى» دەپ اتاپ ءوتتى.
ەندى ورتالىق ينتەرنەت-رەسۋرستارعا, اقپاراتتىق جۇيەلەرگە جانە باسقا دا اقپاراتتىق تەحنولوگياعا قاتىستى مىناداي فۋنكتسيالارىن ورىندايتىن بولادى:
- اقپاراتتىق قاۋىپسىزدىك قاۋىپ-قاتەرلەرىن انىقتاۋ, باعالاۋ, بولجاۋ, وقشاۋلاۋ, بەيتاراپتاندىرۋ جانە الدىن الۋ;
- اقپاراتتىق قاۋىپسىزدىك قاۋىپ-قاتەرلەرىن انىقتاۋ, جول بەرمەۋ جانە تەرگەۋ بويىنشا اقپاراتتىق قاۋىپسىزدىكتى قامتاماسىز ەتۋ مونيتورينگى;
- اقپاراتتىق قاۋىپسىزدىك وقيعالارى مەن جاعدايلارى تۋرالى مالىمەتتەردى جيناۋ, توپتاستىرۋ, تالداۋ جانە ساقتاۋ;
- اقپاراتتىق قاۋىپسىزدىك قامتاماسىز ەتۋ ءۇشىن, مەنشىك يەلەرىنە نەمەسە يەلەنۋشىلەرگە, ونىڭ ىشىندە قاۋىپسىزدىك قاتەرلەرى, باعدارلامالىق قامتاماسىز ەتۋدىڭ, جابدىقتار مەن تەحنولوگيالاردىڭ وسالدىقتارى, قاتەرلەرىن ىسكە اسىرۋ تاسىلدەرى, وقىس وقيعالارىنىڭ پايدا بولۋ العىشارتتارى, سونداي-اق ولاردىڭ الدىن الۋ جانە سالدارلارىن جويۋ ادىستەرى تۋرالى اقپارات بەرۋ;
- اقپاراتتىق قاۋىپسىزدىكتى ۇلتتىق ۇيلەستىرۋ ورتالىعىنىڭ «ەلەكتروندىق ۇكىمەت» مونيتورينگ ورتالىعىنا اقپاراتتىق قاۋىپسىزدىك وقيعالارىن جۋرنالداۋ جۇيەسىن قوسۋ.
