«بۇگىن ساعات 12:15-تە «112» قىزمەتىنە جەدەل جاردەم ستانساسىنان «كوكتال-2» تۇرعىن الابىندا اقمولا كوشەسىندەگى ۇيلەردىڭ بىرىندە تۇراتىن ازاماتتاردىڭ ءيىس گازىنان ۋلانۋ بەلگىلەرىمەن اۋرۋحاناعا جاتقىزىلعانى تۋرالى حابارلاما كەلىپ تۇسكەن بولاتىن. جەدەل جاردەمدى ساعات تۇنگى ەكىدە شاقىرعان ايەلدىڭ ايتۋىنا قاراعاندا, تۇتىننەن دىبىس شىعاراتىن ارنايى قۇرىلعى دابىل قاعىپ, سونىڭ كومەگىمەن قايعىلى وقيعانىڭ الدىن الۋ مۇمكىن بولعان. ۇيقىسىنان ويانعان ءۇش بالانىڭ اناسى ءۇيدىڭ ءىشىن جەلدەتىپ, ۇيىقتاۋعا قايتا جاتقان ەكەن. تاڭەرتەڭ ول ەكى بالاسىن مەكتەپكە جىبەرىپ, ءوزى 2009 جىلى تۋعان بالاسىمەن ۇيدە قالادى. سالدەن سوڭ ول باسىنىڭ اينالعانىن, جۇرەگىنىڭ اينىعانىن سەزگەن», – دەلىنگەن ۆەدومستۆونىڭ حابارلاماسىندا.
شامامەن ساعات 12:00-دە جەدەل جاردەم بريگاداسى ايەل مەن ونىڭ بالاسىن بالالار اۋرۋحاناسىنا جەتكىزدى. اۋرۋحاناعا جاتقىزۋدىڭ ەش سەبەبى بولماعان سوڭ, دارىگەرلەر ونى بالاسىمەن ۇيىنە جىبەرگەن. بۇدان كەيىن ايەل ەرەسەكتەرگە ارنالعان اۋرۋحاناعا بارىپ, ءوز دەنساۋلىعىن تەكسەرگەن. قازىرگى تاڭدا انا مەن بالا ءوز ۇيىندە. دارىگەرلەردىڭ ايتۋىنشا, ولاردىڭ دەنساۋلىعىنا ەشقانداي زيان كەلتىرىلمەگەن.
ەسكە سالايىق, ارنايى داتچيكتەردى بۇل ۇيدە سارىارقا اۋدانى تج باسقارماسىنىڭ ماماندارى اكىمدىك قىزمەتكەرلەرىمەن بىرلەسىپ اقپان ايىندا جەكە سەكتوردا جۇرگىزىلگەن رەيد بارىسىندا ورناتقان بولاتىن.
