شاراعا ءبىلىم جانە عىلىمي ءمينيسترىنىڭ ورىنباسارى ەلميرا سۋحانبەرديەۆا, بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى ەرجان ەرسايىنوۆ, مينيسترلىكتەگى قوسىمشا ءبىلىم بەرۋ رەسپۋبليكالىق وقۋ-ادىستەمەلىك ورتالىعىنىڭ ديرەكتورى رايسا شەر, جەرگىلىكتى اتقارۋشى ورگانداردىڭ, ۇكىمەتتىك ەمەس ۇيىمداردىڭ وكىلدەرى مەن ءبىلىم بەرۋ جانە تاربيە مەكەمەلەرىنىڭ باسشىلارى قاتىستى.
وتىرىسقا قاتىسۋشىلار بالالار ءۇيى تۇلەكتەرىن ينتەرناتتان كەيىنگى بەيىمدەۋ جۇيەسىن ودان ءارى دامىتۋ بويىنشا ۇسىنىمداردى قابىلداپ, بالالار ءۇيىن وزگەرتۋدىڭ جاڭا تاسىلدەرىن تالقىلادى.
بالالار ءۇيىنىڭ تۇلەكتەرىن قولداۋ, مەكەمەارالىق ءىس-قيمىلدى كۇشەيتۋ نەگىزىندە ولاردى قوعامعا لايىقتاپ بەيىمدەۋ مەن قوسۋ, جەتىم بالالار مەن اتا-انانىڭ قاراۋىنسىز قالعان بالالاردى وتباسىلارعا ورنالاستىرۋ جونىندەگى مەملەكەتتىك ەمەس اگەنتتىكتەردى قۇرۋ ماسەلەلەرىنە ەرەكشە نازار اۋدارىلدى.
1 ناۋرىز كۇنى س.ايتپاەۆا الەۋمەتتىك «جاستار ءۇيى» مەكەمەسىنىڭ تۇلەكتەرىن بەيىمدەۋ جانە قولداۋ ورتالىعىندا بولدى. مۇندا بالالار ءۇيى تۇلەكتەرىن ءومىر مەن زاماناۋي قوعامعا بەيىمدەۋ ءۇشىن قولايلى جاعداي جاسالعان.
س.ايتپاەۆا كەزدەسۋگە قاتىسۋشىلارعا پرەزيدەنت ن.نازارباەۆتىڭ «نۇر وتان» پارتياسىنىڭ كەزەكتى XVIII سەزىندە سويلەگەن ءسوزى تۋرالى ايتىپ بەردى. اتاپ ايتقاندا, ەلباسى ايقىنداعان الەۋمەتتىك سالانى ىسكە اسىرۋدىڭ نەگىزگى ءۇش باعىتىنا توقتالدى. بۇل تۇرعىنداردىڭ الەۋمەتتىك از قامتىلعان توپتارىنىڭ تابىسىن ارتتىرۋ جانە ولاردى قولداۋ, تابىسى تومەن تۇرعىنداردىڭ تۇرعىن ءۇي ماسەلەلەرىن شەشۋ, ءبىلىم بەرۋ جانە دەنساۋلىق ساقتاۋ سالالارىن جاقسارتۋ جانە ەلىمىزدىڭ ايماقتارىن كەشەندى دامىتۋ. س.ايتپاەۆا ءوز سوزىندە, مەملەكەت باسشىسى تابىسى تومەن كوپبالالى وتباسىلارعا قامقورلىق جاساۋ جانە ەرەكشە كوڭىل ءبولۋدى تاپسىرعانىن اتاپ ءوتتى. ول ءۇشىن 29698 تەڭگەنى قۇرايتىن ەڭ تومەنگى كۇنكورىس دەڭگەيىن 70 پايىزعا دەيىن ارتتىرۋ ارقىلى اتاۋلى كومەك كورسەتۋ كولەمىن ۇلعايتۋ ماسەلەسى ۇكىمەتكە تاپسىرىلدى. وسى ورايدا, اتاۋلى كومەك الۋعا قۇقىلى كوپبالالى وتباسىلاردى قولداۋ ماقساتىندا ءاربىر بالاعا 20789 تەڭگە بولاتىن اتاۋلى الەۋمەتتىك كومەك بەلگىلەندى.
ناتيجەسىندە 2019 جىلى اتاۋلى الەۋمەتتىك كومەك 830 مىڭنان استام ادامعا كورسەتىلەتىن بولادى, سونىڭ ىشىندە 550 مىڭعا جۋىعى بالالار بولىپ وتىر. مۇگەدەك بالالارى بار وتباسىلاردىڭ جاردەماقىسى 30 پايىزعا ارتادى. بۇل شارا اياسىندا 100 مىڭنان استام ادام قامتىلادى. جوعارىدا اتالعان شارالاردى 2019-2021 جىلدارى ىسكە اسىرۋ ءۇشىن قوسىمشا 300 ميلليارد تەڭگە بولىنەتىن بولادى.
