فورۋمعا قاتىسۋشىلار مەن شاقىرىلعانداردىڭ ءبارىنىڭ ويىندا تەك حالىقتىڭ الەۋمەتتىك جاعدايىنىڭ جاقسارۋىنا قانشالىقتى كومەك كورسەتىلەتىنى الاڭداتقان. ال ەندى ەلباسىنىڭ سەزدەگى سوزىنەن كەيىن بۇل كومەك كولەمىنىڭ وراسان زور بولعانىنا قاتتى تاڭىرقاعانىمىزدى جاسىرا المادىق. كۇردەلەنىپ قالعان الەۋمەتتىك ماسەلەلەردى شەشۋگە 2 ترلن تەڭگەدەن استام قاراجات بولىنگەنى بۇرىن-سوڭدى بولماعان جاعداي ەدى.
شەشىلۋىنە قاراجات بولىنگەن بارلىق ماسەلەلەر ماڭىزدى. سونىڭ ىشىندە مەنى قاتتى ءتانتى ەتكەنى – اۋىل تۇرعىندارىنىڭ اۋىز سۋ ماسەلەسىن شەشۋگە قوماقتى قاراجاتتىڭ ءبولىنۋى. ارينە بۇعان دەيىن دە وسى ماسەلەنى شەشۋگە ميللياردتاعان قاراجات بولىنگەن, الايدا ول جەتكىلىكسىز بولىپ ەدى. كوپتەگەن وبلىستاردا تازا اۋىز سۋمەن قامتۋ كورسەتكىشى 50 پايىزدان اسپاعان. ال باتىس قازاقستان, پاۆلودار سياقتى وبلىستاردا ودان دا تومەن. ارينە اۋىل تۇرعىندارىنىڭ ءومىر ءسۇرۋ ساپاسىن كوتەرۋ تازا اۋىز سۋمەن قامتاماسىز ەتۋگە تىكەلەي بايلانىستى. سوندىقتان بۇل ماسەلە تۇبەگەيلى شەشىلۋى كەرەك-ءتى. وسىعان ەلباسى نازار اۋدارىپ, ماسەلەنى شەشۋگە 150 ملرد تەڭگە ءبولىنسىن دەگەن تالابى ءبىزدى قۋانتىپ وتىر.
سونىمەن قاتار جەرگىلىكتى جولداردى سالۋ مەن جوندەۋگە دە قوماقتى قاراجات قاراستىرىلعانى كوڭىلگە جىلىلىق ۇيالاتتى. بىزدە ءىرى اۆتوماگيسترالداردى سالۋ مەن جوندەۋگە «نۇرلى جەر» باعدارلاماسىنىڭ شەڭبەرىندە قاراجات تابىلىپ, قازىر ولار پايدالانىلۋدا. بىراق اۋىل اراسىنداعى, اۋدان ىشىندەگى جولداردىڭ جاعدايى سىن كوتەرمەيتىن ەدى. سايلاۋشىلارمەن كەزدەسكەن سايىن ءبىزدىڭ الدىمىزدان ۇنەمى وسى ماسەلە شىعاتىن. كەشە پرەزيدەنت ءوزىنىڭ سوزىندە وسى ماسەلە تۋرالى ايتىپ, ءاربىر ادام ءوزىنىڭ ۇيىنە دەيىنگى جولدىڭ جاقسى بولعانىن قالايدى دەدى. ەندى وسى پروبلەمانى شەشۋگە قوماقتى قارجى بولىنگەلى وتىر. سونىمەن بىرگە بولاشاعى بار ەلدى مەكەندەردى انىقتاپ, ولارعا تولىق جاعداي جاساۋ ماسەلەسىنىڭ شەشىلەتىنى دە ءبىزدى قاناعاتتاندىرىپ وتىر. «اۋىل – ەل بەسىگى» باعدارلاماسىنان حالىق ۇلكەن ءۇمىت كۇتەتىنى بەلگىلى. وسى شارالار ىسكە اسىرىلسا – اۋىل تۇرعىندارىنىڭ ءال-اۋقاتىنىڭ ارتاتىنى ءسوزسىز. قازىر كوپتەگەن ەلدى مەكەندەردە مال وسىرۋگە, كوكونىس پلانتاتسياسىن قۇرۋعا, استىق ەگۋگە قولبايلاۋ بولىپ وتىرعان – جول ماسەلەسى ەدى. ويتكەنى شاعىن كاسىپپەن اينالىساتىن جاندار جولى جوق جەرگە بارا قويمايتىن, ەندى جول ماسەلەسى شەشىلەتىن بولسا, ەڭ شالعايداعى اۋىلدارعا دەيىن شاعىن بيزنەس وكىلدەرى باراتىن شىعار دەگەن ءۇمىت بار.
ماعان تاعى ءبىر ۇناعان ماسەلە – تۇرمىسى اۋىر وتباسىلاردىڭ تۇرعىن ۇيلەرگە قولجەتىمدىلىگىن ارتتىرۋ بولىپ وتىر. ولارعا ارنالىپ ارەندالىق ۇيلەر سالىنۋمەن قاتار تۇرعىن-ءۇي قۇرىلىس جيناق بانكى ارقىلى 2-3 پايىزدىق قانا وسىممەن نەسيە بەرىلەتىن بولدى. بۇل دا حالقىمىز ءۇشىن قۋانىشتى حابار. تۇرمىسى تومەن مىڭداعان وتباسىلار بۇل جەڭىلدىكتى پايدالاناتىن بولادى. ەلباسى ءوزىنىڭ سوزىندە اكىمدەرگە قاراتىپ, «بيلىك قولدارىڭدا بار, قاراجات بولىنگەن, ەندەشە نەگە تاپسىرمانى ورىنداماسقا؟!» دەدى. سوندىقتان اكىمدەر بىلەكتى سىبانىپ جۇمىسقا كىرىسەتىن شىعار دەپ ويلايمىن.
شاۆحات وتەمىسوۆ,
ءماجىلىس دەپۋتاتى
