«2019-2021 جىلدارى جاڭارتىلعان مازمۇن بويىنشا قايتا دايارلاۋ كۋرستارىنان مەكتەپتەردەگى, كوللەدج بەن جوو-لارداعى 244 مىڭ پەداگوگ وتەدى», - دەدى شامشيتدينوۆا بەيسەنبىدەگى ۇكىمەت وتىرىسىندا.
مينيستر اتاپ وتكەندەي, 2020 جىلدان باستاپ اتالمىش كۋرستاردان وتۋگە قاراستىرىلعان قارجى جوعارى وقۋ ورىندارىنا اعىلشىن تىلىنەن ساباق بەرەتىن مۇعالىمدەردى دايارلاۋعا جۇمسالاتىن بولادى. «وسى جىلدان باستاپ مەكتەپتەرگە ءتىل مەڭگەرگەن جوو تۇلەكتەرى كەلە باستايدى. پاندەردى اعىلشىن تىلىندە وقىتۋ كادرلاردىڭ دايىن بولۋىنا قاراي كەزەڭ-كەزەڭىمەن جۇرگىزىلەدى», - دەپ حابارلادى مينيستر.
سونىمەن قاتار, ونىڭ ايتۋىنشا, مەكتەپتەر قۇرىلىسى مەن ولارعا كۇردەلى جوندەۋ جۇمىستارىن جۇرگىزۋدى قارجىلاندىرۋدىڭ جاڭا ادىستەمەسى ەنگىزىلەتىن بولادى. «قارجىلاندىرۋ كولەمى وقۋشىلار كونتينگەنتىنە بايلانىستى بولادى. مەكتەپ قۇرىلىسىنىڭ ورنى جەرگىلىكتى اتقارۋشى ورگان قۇزىرەتىنە كىرەدى», - دەدى مينيستر.
ء«بىلىم بەرۋدىڭ بارلىق دەڭگەيىندەگى وقىتۋ باعدارلامالارى زاماناۋي تالاپتارعا سايكەس جانداندىرىلادى», - دەدى ول.
