نەمىس بايلارىنىڭ ءبىرى كوز جۇمدى
بەيسەنبى, 13 جەلتوقسان 2012 7:16
ساياسي كۇرەس ەرەجەلەرىن اتادى
رەسەي پرەزيدەنتى ۆلاديمير پۋتين فەدەرالدى جينالىسقا جولداۋىندا ءوز ساياساتىنىڭ نەگىزگى قاعيداتتارىن اتاپ كورسەتتى. ول ۇنقاتىسۋ زاڭ اياسىندا ءىس-قيمىل تانىتاتىن ساياسي كۇشتەرمەن عانا مۇمكىن ەكەنىن مالىمدەدى.
بەيسەنبى, 13 جەلتوقسان 2012 7:16
ساياسي كۇرەس ەرەجەلەرىن اتادى
رەسەي پرەزيدەنتى ۆلاديمير پۋتين فەدەرالدى جينالىسقا جولداۋىندا ءوز ساياساتىنىڭ نەگىزگى قاعيداتتارىن اتاپ كورسەتتى. ول ۇنقاتىسۋ زاڭ اياسىندا ءىس-قيمىل تانىتاتىن ساياسي كۇشتەرمەن عانا مۇمكىن ەكەنىن مالىمدەدى.
ءسويتىپ, مەملەكەت بارلىق پارتيالارعا باق-تارعا تەڭدەي قولجەتىمدىلىكتى قامتاماسىز ەتۋگە ۇمتىلاتىن بولادى. «ساياسي باسەكەلەستىك – ەل ءۇشىن ءسوزسىز قاجەت نارسە. سونىمەن ءبىر مەزگىلدە, بىزگە ىزگىلىكتى ساياسي باسەكەلەستىك ەرەجەلەرىنىڭ جيىنتىعى سەكىلدى نارسەنى قالىپتاستىرعان ءجون», دەپ اتاپ وتكەن پرەزيدەنت. جالپى, جولداۋدا رەسەي پرەزيدەنتى ەل ءۇشىن قاجەتتى كوپتەگەن باسىمدىقتاردى ناقپا-ناق اتاپ بەردى.
جەر سەرىگى وربيتاعا شىعارىلدى
سولتۇستىك كورەيا كەشە ەرتەڭگىسىن سوحە كوسمودرومىنان جەر سەرىگى وربيتاعا تابىستى شىعارىلعانىن حابارلادى. جاپونيا باسشىلىعىنىڭ دەرەكتەرىنە قاراعاندا, كورەيا زىمىرانىنىڭ ءبىرىنشى باسپالداعى كورەيا بۇعازىنان 200 شاقىرىم جەردە ءبولىنىپ تۇسكەن.
ال ەكىنشىسى ودان 250-300 شاقىرىم جەردەگى شىعىس قىتاي تەڭىزىنە قۇلاسا, ءۇشىنشىسى ءفيليپپيننىڭ شىعىسىنان 300 شاقىرىم جەردە اعىتىلىپ تۇسكەن. كحدر-ءدىڭ ۇستىمىزدەگى جىلدىڭ ساۋىرىندەگى زىمىران ۇشىرۋ ارەكەتى ءساتسىز اياقتالعان ەدى. سوندا «ىنحا-3» ستارتتان سوڭ 2 مينۋت وتپەي اۋەدە شاشىلىپ قالعان بولاتىن. كحدر-ءدىڭ ءىس-ارەكەتى الەمدىك قوعامداستىقتىڭ الاڭداۋشىلىعىن تۋعىزىپ وتىر.
قىسقا قايىرىپ ايتقاندا:
اقش پەن رەسەي كەشە كحدر ۇشىرعان زىمىراننان ەشقانداي قاۋىپ-قاتەر كورمەيدى. بۇل جونىندە رەسەي قورعانىس مينيسترلىگى مەن پەنتاگونداعى جوعارى شەندى وفيتسەرلەر مالىمدەدى.
اقش پرەزيدەنتى باراك وباما سيريانىڭ وپپوزيتسياداعى ۇلتتىق كواليتسياسىن سيريا حالقىنىڭ زاڭدى وكىلى رەتىندە تانۋ تۋرالى مالىمدەمە جاسادى. مۇنداي ۇستانىمىن وباما اۆس News-كە سۇحباتىندا ءبىلدىردى.
سولتۇستىك كورەيا اۋماعىندا اقش ازاماتى ۇستالدى. قاماۋعا الىنعان 44 جاستاعى امەريكالىق ايەل تۋريستىك وپەراتور بولىپ جۇمىس ىستەگەن ەكەن. جالپى, كحدر-دە اقش ازاماتتارى وقتىن-وقتىن تۇتقىندالىپ تۇرادى.
سيريانىڭ حاما پروۆينتسياسىنداعى الاۆيتتەر قونىستانعان اكراب ەلدى مەكەنىندە 125 ادام قازا تاپقان. ولار ىركەس-تىركەس جاسالعان جارىلىستاردان كوز جۇمعان. الاۆيتتەر يسلامنىڭ شيت تارماعىنا جاتادى جانە شامامەن ەل حالقىنىڭ 15 پايىزىن قۇرايدى.
ۇلىبريتانيانىڭ پارلامەنتى ءبىر جىنىستى جۇپتاردىڭ نەكەلەسۋىنە رۇقسات بەرەتىن زاڭدى ماقۇلدادى. ول 2015 جىلدان باستاپ كۇشىنە ەنەتىن بولادى. كاتوليك شىركەۋى بۇل ۇدەرىسكە ءۇزىلدى-كەسىلدى نارازىلىق تانىتىپ وتىر.
سيرياعا ارالاسۋدىڭ جوسپارى
ۇلىبريتانيانى قوسا العاندا, باتىستىڭ بىرقاتار ەلدەرى سيريا جانجالىنا اسكەري ارالاسۋدىڭ جوسپارىن ءتۇزدى. وندا ب ۇلىكشىلەردى وقىتۋ مەن قامتاماسىز ەتۋ عانا ەمەس, جانجالعا تىكەلەي اسكەري قاتىسۋ قاراستىرىلادى.
بۇل جونىندە بريتانيا باسشىلىعىنداعى دەرەك كوزىنە سىلتەمە جاساعان بىرقاتار الەمدىك باق-تار حابارلادى. بۇل مالىمەتتەرگە سايكەس, باتىس ەلدەرى 22 ايعا سوزىلعان جانجال ءوزىنىڭ شارىقتاۋ شەگىنە جەتتى, سوندىقتان ب ۇلىكشىلەرگە كومەكتەسۋ قاجەت دەگەن قورىتىندىعا كەلگەن. سوندا سيريانىڭ جاڭا بيلىگى اقش پەن ەۋروپانى وزدەرىنىڭ سەنىمدى سەرىكتەستەرى رەتىندە قابىلدايتىن بولادى.
چاۆەسكە كۋبادا وتا جاسالدى
ۆەنەسۋەلا پرەزيدەنتى ۋگو چاۆەسكە كۋبادا جاسالعان وتا ءساتتى وتكەن. بۇل تۋرالى مەملەكەتتىك تەلەۆيزيا ەفيرىندە سويلەگەن ۆەنەسۋەلانىڭ ۆيتسە-پرەزيدەنتى نيكولاس مادۋرونىڭ سوزىنە سىلتەمە جاساي وتىرىپ, «رەيتەر» اگەنتتىگى حابارلادى.
ونىڭ سوزىنە قاراعاندا, وتا كۇردەلى وتكەن جانە 6 ساعاتقا سوزىلعان. ۆيتسە-پرەزيدەنتتىڭ سوزىنەن بەلگىلى بولعانداي, چاۆەس ءوز پالاتاسىنا ورالعان. وتادان كەيىنگى وڭالتۋ ۇدەرىسى بىرنەشە كۇنگە سوزىلاتىن كورىنەدى. اگەنتتىك حابارلاعانىنداي, چاۆەستىڭ جۇزدەگەن جاقتاستارى ءبىر جەردە باس قوسىپ, وتا ۋاقىتىندا ونىڭ دەنساۋلىعى ءۇشىن جالبارىنعان.
باكيەۆكە زەينەتاقى تالاپ ەتتى
بەلورۋسسيا پرەزيدەنتى الەكساندر لۋكاشەنكو قىرعىزستان باسشىلىعىنا رەسپۋبليكانىڭ بۇرىنعى پرەزيدەنتى قۇرمانبەك باكيەۆكە زەينەتاقى اۋدارىپ تۇرۋ تۋرالى ۇسىنىس ءبىلدىردى. ق.باكيەۆ مەملەكەتتىك توڭكەرىستەن كەيىن مينسكىگە قاشقانى بەلگىلى.
«سىزدەر وعان زەينەتاقى اۋدارىپ تۇرىڭىزدار. ول, ارينە, اشتان ولمەيدى, بىراق زەينەتاقى تاعايىنداعان ەكەنسىزدەر, اۋدارۋ كەرەك», دەپ مالىمدەدى ا.لۋكاشەنكو تمد, بالتيا جانە گرۋزيا ەلدەرى باس رەداكتورلارىنىڭ كلۋبى مۇشەلەرىمەن كەزدەسۋى كەزىندە. بەلورۋسسيا پرەزيدەنتىنىڭ سوزىنە قاراعاندا, باكيەۆتىڭ بالالارى وتە تاربيەلى. ەكى جىلدىڭ ىشىندە ورىس جانە بەلورۋس تىلدەرىن ۇيرەنىپ العان. كىلەڭ ۇزدىك وقيدى.
نەمىس بايلارىنىڭ ءبىرى كوز جۇمدى
گەرمانياداعى اسا اۋقاتتى ادامداردىڭ ءبىرى بەرتولد البرەحت 58 جاسىندا كوز جۇمدى. ول ازىق-ت ۇلىك سۋپەرماركەتتەرى جەلىسىنىڭ تەڭ يەگەرى بولىپ تابىلعان. ول سۋپەرماركەتتەر جەلىسىنە ءوزىنىڭ تۋعان ءىنىسى تەو البرەحتپەن بىرگە باسشىلىق ەتىپتى.
اعايىندىلاردىڭ ورتاق بايلىعى 13,6 ملرد. ەۋروعا تەڭ ەكەن. «فوربس» جۋرنالىنىڭ ميللياردەرلەر رەيتينگىندە اعايىندى البرەحتتەر 32-ءشى ورىندا تۇرسا كەرەك. كەيبىر دەرەكتەردە بەرتولدتىڭ بايلىعى 7,7 ملرد. ەۋرو قۇراعانى ايتىلادى. ال اعايىندىلار بايلىقتارى ءۇشىن وزدەرىنىڭ اكەلەرىنە قارىزدار كورىنەدى. ۇلكەن تەو ءوزىنىڭ باۋىرى كارلمەن بىرگە ەكىنشى دۇنيەجۇزىلىك سوعىستان كەيىن وسىنداي جەلى قۇرعان ەكەن.
ينتەرنەت ماتەريالدارى نەگىزىندە ازىرلەندى.
