جۇمىسقا ورنالاسۋ ءۇشىن حالىقتى جۇمىسپەن قامتۋ ورتالىعىنا كەلىپ تىركەلۋ كەرەك. ازاماتتار وزىمەن بىرگە جەكە كۋالىك, ەڭبەك كىتاپشاسى, ءبىلىمى تۋرالى ديپلوم, بىلىكتىلىگى جانە ارنايى ءبىلىمى نەمەسە كاسىبي دايىندىعى بارى تۋرالى قۇجاتتى تاپسىرۋى كەرەك. بۇدان كەيىن تۇيىندەمە enbek.kz پورتالىنا ورنالاستىرىلادى. سودان سوڭ كانديداتقا سۇرانىسقا يە ماماندىقتاردىڭ ءار ءتۇرلى نۇسقالارى ۇسىنىلادى.
«جۇمىس ىزدەپ جۇرگەن جاندارعا جۇمىستان بولەك قىسقا مەرزىمدى وقۋ ۇسىنامىز. مۇنداي وقىتۋ ديپلومى, بىلىكتىلىگى جوق نەمەسە ماماندىعىن اۋىستىرعىسى كەلەتىندەرگە ارنالعان. وقۋ تاڭداعان ماماندىعىنا قاراي 1 نەمەسە 3 ايعا سوزىلادى. ودان كەيىن وقۋدان وتكەن مامان ەگەر ءوز ءىسىن اشقىسى كەلسە, سوعان قۇرال جابدىق العىسى كەلسە, مەملەكەتتىك گرانت الۋعا ءوتىنىش بەرە الادى», – دەيدى استانا قالاسى اكىمدىگىنىڭ حالىقتى جۇمىسپەن قامتۋ ورتالىعىنىڭ ءباسپاسوز حاتشىسى دانا تۇرعىنوۆا.
جىل باسىنان استانادا 408 ادام تۇراقتى جۇمىسقا ورنالاستىرىلعان.
